«Halyqtyń vaksınaǵa degen yqylasy jaqsy. Búginde vaksına alatyn kontıngenttiń 30 paıyzynan astamyna vaksına salyndy. Shymkent bul kórsetkish boıynsha aldyńǵy qatarda», dedi M.Áıtenov. Ekpe egýde aǵa býyn ókilderi de keıingilerge úlgi kórsetýde. Mysaly, Shymkent qalasynyń 90 jastaǵy turǵyny Qýanysh Abdýrahmanov ózi tirkelgen emhanasyna kelip, koronavırýs vaksınasyn saldyrdy. Ǵasyrǵa jýyq ómir súrgen, álemde bolyp jatqan jaǵdaıdan kúndelikti habardar bolyp otyrǵan qarııa vaksına qabyldaýdy jón kórgen. Ekpe aldynda qarııany tekserýden ótkizgen dárigerler qarsy kórsetilimder bolmaǵandyqtan, Spýtnık-V vaksınasynyń I-komponentin ekti. «Oılana kele óz erkimmen indetke qarsy vaksınany saldyrttym. Osylaısha, biz vırýsty jeńemiz. Kópshilikke aıtarym, vaksınadan qorqýdyń qajeti joq. Ekpeni saldyrtý qajet dep oılaımyn», deıdi aqsaqal. Qarııanyń otbasy músheleriniń barlyǵy vaksına saldyrypty.
Beısenbi, ıaǵnı 20 mamyrdaǵy jaǵdaı boıynsha, «qyzyl aımaqtaǵy» Shymkentte indet juqtyrýdyń 109 jaǵdaıy tirkelgen. Olardyń ishinde belgileri bary 52 bolsa, 57-niń belgileri joq, 19 adam ınfeksııalyq stasıonarǵa jatqyzylyp, 90 adam úı baqylaýyna alyndy. Búginde mamandandyrylǵan ınfeksııalyq stasıonarlarda barlyǵy 1406 oryn bar. Tósektik oryn tolymdyǵy – 43%, ıaǵnı 798 oryn bos. Epıdemııalyq jaǵdaı nasharlaǵanda tósek oryndardyń sany 5 416-ǵa jetkiziledi. Infeksııalyq stasıonardaǵy 608 naýqastyń 282-i koronavırýstan, 322-i pnevmonııadan, 4-ýi tumaýdan emdelýde. Jansaqtaý bóliminde 35 naýqas jatyr. Qalalyq densaýlyq saqtaý basqarmasynyń málimetine súıensek, bir táýlik ishinde 2 459 adam vaksına alǵan. Jalpy, egý naýqany bastalǵaly barlyǵy 166 370 adam vaksınalandy. Onyń ishinde vaksınanyń eki komponentin alǵandar sany – 69 905.
Qala aýmaǵynda sanıtarlyq-epıdemııalyq talaptardyń saqtalýyna monıtorıng júrgizetin 24 mobıldik top jumys isteýde. О́tken táýlikte 478 nysanǵa tekserý jumystary júrgizilip, onyń 10-ynda karantın rejiminiń talaptary buzylǵany anyqtalǵan. Koronavırýs ınfeksııasynyń aldyn alý, taralý jáne juqtyrý qaýpine qaramastan, birqatar mekeme karantın shekteýin júıeli túrde buzyp keledi. Mysaly, Eńbekshi aýdandyq polısııa bóliminiń mobıldi toby kásipkerlik sýbektileriniń karantın rejimin buzǵanyn anyqtady. «Eńbekshi aýdanynda ornalasqan «Fısher» dámhanasy túngi ýaqytta karantın talaptaryna baǵynbaı jumysyn jalǵastyryp jatqany anyqtaldy. Dámhananyń kishi zalynda 20 kelýshi araqashyqty saqtamaı jıyn ótkizgen. Osy anyqtalǵan jaıtqa qatysty jınaqtalǵan materıaldar shara qabyldaý úshin Eńbekshi aýdany boıynsha Taýarlar men kórsetiletin qyzmetter sapasynyń qaýipsizdigin baqylaý basqarmasyna is-qujattar joldanyp, dámhana ákimshisinen túsinikteme alyndy», delingen polısııa habarlamasynda.
Aıta ketelik, Shymkent qalasynda koronavırýs pandemııasy bastalǵannan beri indettiń 11 229 jaǵdaıy tirkelgen. Emdelip shyqqandar sany – 10 myńǵa jýyqtaǵan.
ShYMKENT
