Mádenıet – ómir máıegi

Bul turǵydan kelgende bizdiń kósile sóıleýimizge bolady. Arǵy ata babalarymyzdan qalǵan asyl muralar, Qazaq handyǵynyń irgesi qalanǵannan bergi jınalǵan jaýhar dúnıeler álem aldynda abyroıymyzdy bıiktetip keledi. Solardy nasıhattap, kókke kóte­rip júr­gen mádenıet salasy qyzmetker­leri­niń eńbegi orasan. Árıne, ónerdi qur­mettep, mádenıetti órkendetý – bar­shamyzdyń ortaq maqsatymyz. Dese de, murajaılar men kitaphanalardyń, teatr­lar men konserttik uıymdardyń, ha­lyq shyǵarmashylyǵy jáne mádenıet úı­leriniń, qalalyq jáne aýyldyq klýbtardyń qyzmetkerleriniń, sondaı-aq aqyndar men jazýshylardyń róli erekshe. Olar qoǵamymyzdaǵy rýhanııat­ty damytýǵa, ıgilikti, adam­gershilikti, qaıy­rym­dylyq pen ózara túsinistikti óris­tetýge jol ashyp, úz­dik mádenı dástúr­ler­di saqtaýǵa hám molaı­týǵa erekshe mán berip keledi.

Elbasy Nursultan Nazarbaev Qazaq­stan halqy Assambleıasynyń HHII sessııa­synda sóılegen sózinde «Qazirgi zamanǵy álemde elimizdiń berik mádenı tuǵyrynsyz ekonomıkalyq jáne saıası tabystary bolýy aqylǵa syıymsyz. Planetanyń 30 laıyqty ultynyń birine aınalý úshin, bárinen buryn, HHI ǵasyrda eń tanylǵan mádenıettiń qatarynda bolý kerek. Biz Qazaqstannyń álemdik «joǵary mádenıet qoǵamynyń» úsh ondyǵy shoǵyryna enýin qamtamasyz etýge tıispiz» deı kele, mádenıet salasy qyzmetkerlerine barlyq jaǵ­daı jasalýyn tapsyrǵan bolatyn. Mine, sonyń nátıjesinde olardyń eń­bekaqysy 40 paıyzǵa ósti. Iаǵnı
teatr ártisteriniń ortasha jalaqysy 231 myń teńge, al kitaphana, mýzeı jáne arhıv qyzmetkerleriniń eńbekaqysy 164 myń teńge boldy. Árıne buǵan deıin­gi jalaqylarymen salystyrǵanda álde­qaıda joǵary. Búginde memleket barynsha mádenıet salasyna kóńil bólip, aýyl-aımaqtardyń mádenı ómiriniń jandanýyna kúsh salyp keledi.

Halqymyzdyń baı mədenı murasy men rýhanııatynyń damýyna úles qo­syp kele jatqan azamattardyń eńbegi baǵalanatyn eleýli kún el ómiriniń eń aıshyqty sátindeı ystyq. Sebebi qalamǵa sert etken aqyn-jazýshynyń, óner men tarıh taǵylymymen tanystyratyn mýzeı qyzmetkeriniń, bilim bulaǵymen sýsyndatqan kitaphanashynyń, maz­mundy qoıylymmen kórermenge izgilik nərin syılaıtyn teatr, kıno jəne opera ərtisiniń, óńirlerdegi mədenıet oshaqtarynda qyzmet etip júrgen ózge de mamandardyń eńbegi umytylmaq emes.