Mınıstr qondyrǵylardyń naqty sanyn ataǵan joq, biraq jaýabynda júıeniń jaqyn arada iske qosylatynyn jetkizdi.
«Qyrǵyzstan TJM áriptesterimizben yntymaqtastyq máselelerin belsendi túrde pysyqtap jatyrmyz jáne jaqynda ǵana bizdiń qyzmetkerlerimizdiń jumys sapary aıaqtaldy, onda Almaty mańynda ornalasqan jáne ázirge pılottyq rejımde jumys isteıtin seısmodatchıkter jelisin biriktiremiz dep kelistik. Qala ákimdigi bul júıeniń Qyrǵyzstanmen baılanysta jumys isteýine múddeli, óıtkeni jıi bolatyn jer silkinisteri Qyrǵyzstan aýmaǵynda epısentrden bastalady. Meniń oıymsha, ony «Darmen» platformasyndaǵy operasııalyq bólik retinde pysyqtaý jáne odan ári shyǵarý úshin shamamen 2 aı qajet bolady. Biz 6 baldan joǵary jer silkinisi kezinde «Darmen» júıesi halyqqa aqparat beretindeı etip retteımiz. Epısentrge baılanysty halyqtyń jer silkinisi bolǵan jaǵdaıda sheshim qabyldaýǵa jáne belgili bir is-qımyl jasaýǵa belgili bir ýaqyty bolady», dep sendirdi vedomstvo basshysy.
