Bıe súti saýyǵýǵa jaqsy kómek bolady. Qymyz hımııa jáne sáýle terapııasyn alatyn pasıentterge qajet.
Sýsynnyń bir ǵana qarsy kórsetilimi bar - operasııadan keıin birden ishýge bolmaıdy.
«Onkologııalyq naýqastardy qymyzben qamtamasyz etý ıdeıasyn bizdiń eriktilerimizdiń biri usyndy. Ol ózi osy aýrýhanaǵa túsken. Dıagnoz rastalmady, sondyqtan qýanyshty habarlan soń úıge oralyp, ıgi is jasaýdy usyndy», deıdi «О́ndiris eriktileri» tobynyń jetekshisi Gaýhar Naýryzbaeva.
Búginde «О́ndiris eriktileri» tobyna «Qazsınk» kompanııasynda jumys isteıtin 150 erikti kiredi.
Onyń barlyǵy jerlesterine kómek kórsetý kerek dep sheshti. Aqsha bir kúnde jınaldy.
Jáıremdikterdiń qolymen jasalǵan 200 lıtr qymyz satyp alyndy.
Nátıjesinde ony medısınalyq mekemeniń 180 pasıenti alady.
Olardyń atynan dıspanserdiń bas dárigeri Muratbek Jumaqaev kórsetilgen qaıyrymdylyq úshin alǵysyn jetkizdi.
«Aı saıyn aýyl turǵyndaryna kómektesemiz. Jumysymyz eki baǵytta júrip jatyr. Bul materıaldyq qoldaý – biz ónimderdi, qajetti zattardy satyp alamyz. Sonymen qatar, senbilikke shyǵamyz, syrlaýǵa, aqtaýǵa kómektesemiz. Bastapqyda biz Jáırem turǵyndaryna ǵana kómektesemiz dep kelistik. Biraq Qarajal men О́skemendegi az qamtylǵan otbasylarǵa kómektesý múmkindigi týdy. Endi oblys turǵyndaryna qol ushymyzdy sozýǵa tyrysamyz», dedi Gaýhar Naýryzbaeva.
1 maýsym da jaqyndap keledi. Top eriktileri merekege daıyndalyp jatyr.
Jáırem kentiniń múgedek balalaryna arnalǵan syılyqqa aqsha jınaýda.
