Atalǵan qujatta Taraz qalasyn qospaǵanda, oblys aýmaǵyndaǵy áleýmettik-ekonomıkalyq nysandardyń qyzmetin shekteý «Jasyl» aımaq ólshemsharttary negizinde qabyldanatyny týraly aıtylǵan.
Atap aıtqanda, ónerkásip, qurylys, aýyl jáne balyq, mal sharýashylyǵy nysandary, baılanys qyzmetteri, týrıstik kompanııalar, bıznes ortalyqtary, gúl dúkenderi, fotosalondar, mýzeıler men kitaphanalar, azyq-túlik dúkenderi, shaǵyn marketterdiń jumysyna tolyq ruqsat berildi.
Sol sekildi strıt-fýd, monshalar, ashyq aýadaǵy attraksıondar, sýpermarketter, gıpermarketter, medısınalyq uıymdar, dárihanalardyń da qyzmetine ruqsat etilip otyr.
Al, túngi jáne oıyn klýbtaryna, karaoke-barlardyń jumysyna shekteý saqtalatyn boldy. Sonymen qatar oıyn-saýyq, buqaralyq is-sharalar, konferensııalar, forýmdar, otbasylyq, estelik is-sharalar ótkizýge de tyıym salynǵan.
«Eskeretin jaǵdaı, jańa qaýlyda uıymdar, ofıster qyzmetkerlerin COVID-19-ǵa qarsy vaksınasııalaý júrgizilgen jaǵdaıda qyzmetin qashyqtyqtan jáne kúndizgi jumys formatynda jumys isteıtin qyzmetkerlerdiń paıyzdyq ara qatynasy jónindegi talaptardy eskermeı júzege asyrady. Bul rette sońǵy 6 aı ishinde COVID-19-ǵa qarsy vaksınasııalaýdyń tolyq kýrsyn alǵan jáne COVID-19 indetimen aýyryp jazylǵan barlyq qyzmetkerlerdiń kúndizgi rejımde jumys isteýine ruqsat beriledi», delingen qaýlyda.
Atalǵan qaýly 2021 jylǵy 27 mamyrda saǵat 00:00-de kúshine enetin bolady.
