Mańǵystaý oblysy ákimdigi baspasóz qyzmetiniń habarlaýynsha, óńirde densaýlyq saqtaý nysandary shtattyq rejimde jumys isteýde. Turǵyndarǵa 515 ınfeksııalyq jáne 60 reanımasııalyq tósektik 10 stasıonar qyzmet kórsetýde jáne buǵan qosymsha 2 452 tósektik oryn, 131 reanımasııalyq oryn tolyǵymen jabdyqtalyp, rezervte daıyn tur. Osy jyldyń 17-24 mamyr aralyǵynda 359 adam em qabyldap, jazylyp shyqqan. Búginde stasıonarlarda 237 adam em alyp jatyr. Onyń 20-sy kámelet jasqa tolmaǵan balalar. О́ńirde barlyǵy eki komponent boıynsha 52 926 adam egilgen bolsa, aýrýhanada koronavırýspen aýyryp jatqandardyń barlyǵy KVI-ge qarsy ekpe almaǵandar eken.
Mańǵystaý oblysynda KVI-ge qarsy ekpege arnalǵan 38 ekpe kabıneti jumys isteıdi. Onyń 17-i – Aqtaý qalasynda. Qosymsha ekpe pýnktteriniń jumysy uıymdastyrylýda.
– Dári-dármek jáne jeke qorǵaný quraldarymen qamtý máselesi de basty nazarda. Medısınalyq mekemeler men dárihanalarda 3 aıǵa jetetin dári-dármek jáne jeke qorǵaný quraldar qory jasaqtaldy. Sonymen qatar medısınalyq uıymdar qajetti jabdyqtarmen tolyq kólemde qamtyldy, bul boıynsha másele joq, – deıdi Mańǵystaý oblysy ákiminiń orynbasary G.Qalmuratova.
Sonymen qatar óńirdiń 241 kásipkerlik obektisinde Ashyq mobıldik qosymshasy tolyq iske qosylǵan. 29 kásipkerlik nysan synaq merzimimen jumys isteýde. Alaıda Ashyq qosymshasy arqyly qosylyp, biraq tıisti talaptardy saqtamaǵan kásipkerlik nysandary da anyqtaldy. Tártip buzǵan «LOFT PUB», «Coffee City Premium», «Doner Saraıy», «Na mangale», «Shým-Gam bar» qoǵamdyq oryndarynyń Ashyq qosymshasyndaǵy akkaýnttary 2 aptaǵa buǵattaldy.
Mańǵystaý oblysy
