Sharaǵa Eýropalyq Odaqtyń Qazaqstandaǵy Elshisi, Qazaqstannyń Adam quqyqtary jónindegi ýákili jáne Qazaqstandaǵy BUU Balalar qorynyń (IýNISEF) ókili qatysty. Joba Eýropalyq Odaq qarjylandyratyn jáne Birikken Ulttar Uıymynyń Balalar qory qolǵa alǵan baǵdarlama aıasynda iske asyp otyr.
«Kóshi-qon prosesinde kóptegen bala, ásirese, olar jalǵyz jolǵa shyqqan kezde eleýli táýekelderge tap bolady. Mundaı sátte dostyq atmosferany qalyptastyrý óte mańyzdy. Osyndaı bólmeler balalarǵa olardyń qorǵaýda eken jáne bul ýaqytsha bolsa da qaýipsiz oryn ekenin kórsetý úshin arnalǵan», deıdi EO-nyń Qazaqstandaǵy Elshisi Sven-Olov Karlsson.
Baǵdarlama aıasynda Nur-Sultannan bólek Almaty, Shymkent qalalaryn jáne Túrkistan oblysyn qamtý josparlanǵan.
«Balaǵa dostyq» bólmeleri iske qosylmas buryn ony «Adam quqyqtary jáne zańdylyqty saqtaý jónindegi halyqaralyq bıýronyń Qazaqstandaǵy ókildigi», «Rodnık» jáne «Sana Sezim» sııaqty úıkimettik emes uıymdardyń synaǵynan ótken. Synaq kezinde 250-den astam bala daıarlyqtan ótken mamandardyń qyzmetine júgingen. «Ár bala otbasyda ómir súrý úshin týǵan. Alaıda, qıyn jaǵdaıda ol osy quqyǵynan aıyrylsa, biz oǵan jańa úmit pen jylýlyq syılaýǵa mindettimiz», dedi Qazaqstan Respýblıkasyndaǵy Adam quqyqtary jónindegi ýákil Elvıra Ázimova.
Sharada sóz sóılegen Bilim jáne ǵylym mınıstrliginiń vıse-mınıstri Bıbigúl Asylova Qazaqstan aýmaǵynda eshqandaı áskerı qaqtyǵys bolyp jatpasa da, mıgrant jáne bosqyn balalardyń quqyqtary men jaǵdaılaryna úlken kóńil bólinip otyrǵanyn aıtty.
Kóshi-qon prosesindegi balalardy qorǵaý baǵdarlamasynyń aıasynda Eýropalyq Odaq pen IýNISEF qory Bangladesh, Mıanma, Qazaqstan, Qyrǵyzstan, Tájikstan, О́zbekstan jáne Taıland osyndaı «balaǵa dostyq» bólmelerin ashqan.
