Kezekte turǵandardyń basym kópshiligi – kópbalaly otbasylar, jetim balalar, múgedek balalary bar otbasylar jáne halyqtyń basqa da áleýmettik az qorǵalǵan toptary. Olarǵa arnap jalǵa beriletin baspana qurylysyna jeke ınvestısııalardy tarta otyryp, jeke turǵyn úı qorynan jaldaý aqysyn sýbsıdııalaý tetigi engizilip jatyr.
Jaldaý aqysy Nur-Sultan jáne Almaty qalalary úshin 31 aılyq eseptik kórsetkish (90 427 teńge), ózge óńirler úshin 21 aılyq eseptik kórsetkish (61 257 teńge) jáne aýyldyq jerler úshin 15 aılyq eseptik kórsetkish (43 755 teńge) mólsherinde memlekettik qarajat esebinen sýbsıdııalanady.
Kezekte turǵan qalǵan 377 myń adam otbasynyń árbir múshesine shaqqanda eń tómengi kúnkóris deńgeıinen joǵary tabys tabady.
Olarǵa memlekettik qyzmetkerler, bıýdjettik mekeme qyzmetkerleri, tolyq emes otbasylar jatady (jyl saıyn 32 myń adamǵa artyp keledi). «Otbasy bank» arqyly atalǵan azamattarǵa kredıttik turǵyn úı jáne jeńildetilgen nesıe beriledi.
Osy maqsatpen «Otbasy banki» bazasynda «Alǵashqy turǵyn úımen qamtamasyz etý ortalyǵy» quryldy. Ortalyq turǵyn úı kezeginde turǵan azamattarmen jumys júrgizedi.
