Jeńildikti nesıe berý baǵdarlamalary monıtorınginiń nátıjeleri, aýyl sharýashylyǵy jáne qarjylandyrýǵa qoljetimdilik salasyndaǵy bıznestiń júıeli problemalary, memlekettik satyp alýlardaǵy, «Samuryq-Qazyna» UÁQ» AQ jáne jer qoınaýyn paıdalanýshylardyń satyp alýlaryndaǵy jergilikti qamtý, mıkroqarjy uıymdary men О́ńirlerdiń ekonomıkalyq kartasy máseleleri qaraldy.
Otyrysqa Úkimet músheleri, óńirlerdiń ákimderiniń orynbasarlary, «Samuryq-Qazyna» UÁQ» AQ, «Atameken» UKP, «Báıterek» UBH» AQ, «Damý» KDQ» AQ, Qazaqstan qarjygerleri qaýymdastyǵynyń basshylyǵy, óńirlik kásipkerler keńesteriniń tóraǵalary jáne t. b. qatysty.
BJK-2025 baǵdarlamasyn iske asyrýdyń oń qarqyny baıqalýda. Osy jyldyń qańtar-sáýir aılarynda 169 mlrd teńge somasyna 1688 joba sýbsıdııalandy, onyń aıasynda 6235 jańa jumys orny ashylady. Sonymen qatar «Damý» qory 8348 joba úshin jalpy somasy 109,3 mlrd teńge kepildik berdi.
«Qarapaıym zattar ekonomıkasy» jeńildetilgen nesıe berý baǵdarlamasy boıynsha búginde 692,8 mlrdteńge somasyna 2935 joba maquldandy, 594,6 mlrd teńge somasyna 2333 joba sýbsıdııalandy.
Aýyl sharýashylyǵyn qoldaý memlekettik ınstıtýttarynyń sýbektilik sıfrlyq monıtorıngi boıynsha jumys júrgizildi. Bıyl 137,2 mlrd teńge somasyna 5811 joba nesıelendirildi. Jalpy, 2021 jyly aýyl sharýashylyǵy salasyn sýbsıdııalaýǵa shamamen 375 mlrd teńge bólindi.
Bıylǵy jyldyń 4 aıynda 1827 otandyq taýaróndirýshi úshin jergilikti atqarýshy organdardyń memlekettik satyp alýlaryna qoljetimdilik qamtamasyz etildi. Taýarlardy satyp alý boıynsha jergilikti qamtýdyń eń joǵarǵy úlesine Túrkistan, Shyǵys Qazaqstan jáne Qaraǵandy oblystarynda qol jetkizildi.
Otyrysta óńirlerdiń ekonomıkalyq kartasyn ózektendirý boıynsha jumys qorytyndysy shyǵaryldy.
«Jobalyq ofıstiń Aqparattyq júıesi bazasyndaǵy Ekonomıkalyq karta óńirlerdiń ekonomıkalyq damýynyń monıtorınginiń, olardyń mamandanýyna taldaý júrgizýdiń jáne memlekettik qoldaý sharalarynyń tıimdiligin baǵalaýdyń tıimdi quralyna aınalady. Árbir ákimdik osy sıfrlyq quraldy jumysta jan-jaqty paıdalanýy qajet», dedi A. Mamın.
Premer-Mınıstr 2021 jyldyń I jarty jyldyǵynyń qorytyndysy boıynsha О́ńirlerdiń ekonomıkalyq kartasyn ózektendirýdi, óndiristik sektorǵa basa nazar aýdara otyryp, «Bıznestiń jol kartasy» baǵdarlamasyn jetildirý máselelerin pysyqtaýdy, retteletin satyp alýlardaǵy jergilikti qamtýdy baqylaýdy qamtamasyz etýdi, ónerkásiptik taýarlardyń Eýrazııalyq tizilimi sheńberinde otandyq óndirýshilerdiń EAEO-ǵa múshe memleketterdiń memlekettik satyp alýlaryna qol jetkizýin qamtamasyz etý jóninde sharalar qabyldaýdy tapsyrdy.
