Ákimshilik jaýapkershilik ózin-ózi oqshaýlaý rejımin qasaqana buzatyndarǵa baǵyttalǵan.
«Sanıtarlyq-epıdemıologııalyq baqylaý komıteti QR Densaýlyq saqtaý mınıstrligi koronavırýs ınfeksııasyna shaldyqqan naýqastar men olarmen baılanysta bolǵan adamdar úshin oqshaýlanýdyń mindetti rejımin kózdeıtin sanıtarlyq erejelerdi bekitkenin habarlaıdy. Bul talaptardy oryndamaǵandar úshin ákimshilik jaza kózdelgen. Ereje 2021 jylǵy 10 maýsymda kúshine enedi», dep jazady Sanıtarlyq-epıdemıologııalyq baqylaý komıtetiniń baspasóz qyzmeti.
О́zin-ózi oqshaýlaý rejımin buzýshylar Ashyq aqparattyq platformasy arqyly anyqtalady. Ashyq jobasyna qatysatyn qoǵamdyq nysandarǵa barǵan kezde «qyzyl» mártebesi bar bolyp shyqqan adamdar oqshaýlaný erejesin buzǵan bolyp sanalady.
«Karantındegi naýqas adamnyń sanıtarlyq-epıdemıologııalyq talaptardy saqtamaýy Ákimshilik quqyq buzýshylyq týraly kodekstiń 802-baby boıynsha ákimshilik quqyq buzýshylyq týraly is qozǵaýǵa jáne oǵan ákimshilik jazalaý sharalaryn qoldanýǵa sebep bolady. Eger azamat óziniń mártebesi týraly bile tura, oqshaýlaný rejımin buzsa jáne aınalasyndaǵylarǵa qasaqana juqtyrý qaýpin týdyrsa, oǵan 30 AEK nemese 87 510 teńge mólsherinde ákimshilik aıyppul salynady», dep túsindirdi komıtet mamandary.
