«Balalardyń daryndylyǵyn qoldaý – zııatkerlik olımpıadalar, jalpy bilim beretin pánder boıynsha ǵylymı jobalar, konkýrstar, kásibı sheberlik konkýrstary jáne sporttyq jarystar ótkizý arqyly birneshe baǵytta júzege asyrylady. Bilim jáne ǵylym mınıstrligi ótkizetin zııatkerlik olımpıadalar men konkýrstardy «Daryn» respýblıkalyq ortalyǵy, shyǵarmashylyq jáne kórkemdik baǵyttardy Respýblıkalyq qosymsha bilim berý ortalyǵy, sondaı-aq sporttyq baǵytta Respýblıkalyq dene shynyqtyrý jáne sport ortalyǵy úılestiredi. Aıta ketý kerek, Bilim jáne ǵylym mınıstrligi ótkizetin barlyq jarystar, onyń ishinde zııatkerlik olımpıadalar da, shyǵyrmashylyq ári sporttyq jarystar da bıýdjet qarajaty esebinen júrgiziledi», dedi Sh.Karınova Ortalyq kommýnıkasııalar qyzmetinde.
Osy oraıda ol bul jarystar oqýshylar úshin tegin ekenin naqtylady.
«Olımpıadalar men jarystardyń qorytyndylary boıynsha jeńimpazdar men júldegerlerge tıisti deńgeıdegi dıplomdar jáne barlyq qatysýshyǵa sertıfıkattar beriledi. Olar óte mańyzdy. О́ıtkeni daryndylyqty damytý, qoldaý, sondaı-aq olardy yntalandyrý ár daryndy oqýshyny ary qaraı jigerlendirýge áser etedi. Dıplomdar men sertıfıkattardy berý de tegin túrde júrgiziledi», dedi vıse-mınıstr.
