Aqparat keńistiginde – Independ.kz portaly

Qoǵamdy damytýǵa úles qosýdy  maqsat etken jańa táýelsiz aqparattyq portaldy memlekettiń qoldaýynsyz «Jastarǵa jol» qoǵamdyq qory ázirlengen. Portaldy iske qosý barysynda negizgi basymdyq ekologııa, ınnovasııalyq «jasyl tehnologııalar», azamattyq quqyqty, kásipkerler quqyǵyn qorǵaý, BUU Bas Assambleıa­synda qabyldanǵan qoǵamnyń turaqty damý maqsatyndaǵy máselelerge qatysty aqparattyq ónimderge berilip otyr.

Jastar komandasynan qurylǵan ujym atalǵan portal jumysyn jańa baǵytta, jańa ustanymdar negizinde  júzege asyratyn bolady. Agenttiktiń bas redaktory Rafael Gasanov atap ótkendeı, táýelsiz portal aqparattardyń barynsha shynaıylyǵyn qamtamasyz etedi. Mem­leket, qoǵam jáne bıznes arasyndaǵy árip­tes­­tikke negizdelgen agenttik jumysy resmı qujat­tardy, zańnamalarǵa engizil­gen tolyqty­rýlar men túzetýler, sonymen birge maqsatty baǵdarlamalardy qoǵam ókil­derine tolyqqandy jet­kizýge yqpal etýdi kózdeıdi. Qoǵamnyń damýy, azamattardyń, ásirese jastardyń áleý­­met­tik máselelerin sheshýge baǵyttalǵan mańyzdy máselelerge de barynsha kóńil bólinedi.

BUU-nyń Qazaqstandaǵy ókili Vlastımıl Samek jastar bastamasymen ashylǵan portal ju­my­synyń mańyzdylyǵyn atap ótse, Par­lament Má­jilisiniń depýtaty Eldos Abaqanov agent­tiktiń «Halyq únine qulaq asatyn memleket» tujyrymdamasyn damytýǵa yqpal etetin­digine toqtalyp, aldaǵy ýaqytta por­tal ju­my­syna belsendi qatysýǵa ýáde berdi. Al qoǵam qaıratkeri Marıanna Gýrına qazaq­standyq bel­sendi jastar bastamasymen ashyl­ǵan aqparattyq agenttik qoǵamdaǵy ózekti másele­lerdi kásibı ári tıimdi sheshýge yqpal etedi degen senim bildirdi.

Ǵalamtor búginde zamanaýı qoǵam aqparat­taryn jedel alýǵa yqpal etedi. Alaıda munda jalǵan, tekserilmegen aqparattardyń taralýy – qo­ǵamdy alańdatyp otyrǵan kókeıkesti másele.  Osy oraıda portal jumysy shynaıy aqparat pen sóz erkindiginiń jańa alańyna aınalmaq.  

ALMATY