Qazaqstan • 08 Maýsym, 2021

Múlik salyǵyna ózgertýler engiziledi

42 ret kórsetildi

Ekonomıkalyq saıasat, ınnovasııalyq damý jáne kásipkerlik komıtetiniń keńeıtilgen otyrysynda depýtattar ázirlegen «Qazaqstan Respýblıkasynyń keıbir zańnamalyq aktilerine kásipkerlik, áleýmettik kásipkerlik jáne mindetti áleýmettik medısınalyq saqtandyrý máseleleri boıynsha ózgerister men tolyqtyrýlar engizý týraly» zań jobasy talqylandy, dep habarlaıdy Egemen.kz

Zań jobasynda elimizdegi áleýmettik kásipkerlikti zańnamalyq retteý jáne onyń damý tetikterin júıeleý kózdelip otyr.

Qujatta «áleýmettik kásipkerlik» uǵymy, áleýmettik kásipkerlik sýbektileriniń negizgi mindetteri men sanattary, áleýmettik kásipker mártebesin berý tetigi, sondaı-aq memlekettik qoldaý sharalary bekitiledi. Áleýmettik kásipkerlik sýbektileriniń qyzmeti baǵyttalǵan halyqtyń áleýmettik osal toptary anyqtaldy.

Senatorlar sonymen qatar áleýmettik kásipkerlikti qoldaý jónindegi memlekettik sharalardy zańnamalyq bekitý úshin ázirlengen Salyq kodeksine túzetýlerdi qarady.

«Zań jobasynda halyqtyń áleýmettik osal toptaryna jatatyn qyzmetkerlerdi oqytýǵa, biliktiligin arttyrýǵa nemese kásibi boıynsha qaıta daıarlaýǵa jumsalǵan shyǵystar mólsherinde salyq salynatyn kiristi azaıtý quqyǵy, biraq 120 eselengen AEK mólsherinen aspaıtyn, sondaı-aq salyq bazasyna 0,5% stavka boıynsha múlik salyǵy sııaqty memlekettik qoldaý sharalary kózdelgen», dep atap ótti senator Erik Sultanov.

Zań jobasyn Májiliste qaraý barysynda iskerlik belsendilikti yntalandyrýdy, jumyspen qamtýdy qamtamasyz etýdi, mindetti áleýmettik medısınalyq saqtandyrýdy damytýdy jáne basqa da sharalardy kózdeıtin túzetýler engizilgen bolatyn.

Sońǵy jańalyqtar

Aqtaýda er adam bıikten qulap mert boldy

Aımaqtar • Búgin, 10:53

Sport jańalyqtaryna sholý

Sport • Búgin, 09:11

Bárimiz bir aspannyń astyndamyz

О́ner • Búgin, 09:10

Sýretshiler úıi ashyldy

Aımaqtar • Búgin, 09:08

Bal bulaq bolyp aqty

Aımaqtar • Búgin, 09:07

Ońaılyqpen em qonbaıdy

Medısına • Búgin, 09:05

Uqsas jańalyqtar