Álem • 10 Maýsym, 2021

AQSh az qamtylǵan elderge qaıyrymdylyq jasamaq

43 ret kórsetildi

Ońtústik Koreıa bıligi aımaqtan vaksınalanǵan týrıster úshin karantın talaptaryn alyp tastamaq, dep habarlaıdy Egemen.kz.

Qazirgi tańda Sıngapýr jáne Taıvan sııaqty eldermen ózara toptyq týrıstik saparlar týraly kelissózder júrgizilýde. Atalmysh memleketter epıdemıologııalyq ahýaly turaqty elderdiń qataryna kiredi. Úkimettiń mundaı áreketi pandemııadan zardap shekken áýe tasymaly men týrızm ındýstrııasyn qaıta jandandyrýǵa baǵyttalǵan. Sonymen qatar koronavırýstyq ınfeksııanyń taralýyna qarsy tabysty kúres júrgizilip jatqan Taılandpen, Gýammen, sodaı-aq Saıpanmen kelissózderdi júrgizý bastalady dep josparlanýda.

AQSh COVID-19-ǵa qarsy kúreste úlken mesenattyq qadam jasamaq. Aq úı ákimshiligi álemge qaıyrymdylyq jasaý úshin Pfizer ekpesiniń 500 mıllıon dozasyn satyp alatyndyǵyn málimdedi. Bul – az qamtylǵan elderdi koronavırýstyq ınfeksııaǵa qarsy dári-dármektermen qamtamasyz etý jónindegi vaksınasııanyń ǵalamdyq josparynyń bir bóligi. Bul vırýstyń taralýyn tejep, mıllıondaǵan adamdardyń ómirin saqtap qalýǵa múmindik beredi.

Pekın elde 800 mıllıonnan astam adamnyń koronavırýsqa qarsy egilgendigin habarlady. Immýndaý Qytaıdyń 31 provınsııasynda júrgizilip jatyr. Qytaıda turǵyndardyń basymdyq berilgen toptaryn vaksınasııalaý 2020 jyldyń 15 jeltoqsanynda bastalǵan. 1 maýsymǵa deıin 1,4 mıllıardtan astam turǵynnyń 681,9 mıllıony vaksınasııalaýdan ótken. Sońǵy málimetter boıynsha  808,962 mıllıon adam ekpe saldyrǵan.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar