«Respýblıkalyq jedel-qutqarý jasaǵy qutqarýshylarynyń 10 adamnan quralǵan jeke jasaǵy Túrkistan oblysynyń taýlarynda izdestirý-qutqarý jumystaryn jalǵastyryp jatyr. 10 maýsymda О́gem ózeni arnasynyń boıyndaǵy Jetigór shatqaly jáne О́gem men Aıǵyrjyqqan ózenderiniń qosylǵan jeri tekserildi, izdestirý jumystary nátıje bermedi», dedi vedomstvo ókili.
11 maýsymda týrısterdiń zattary tabylǵan jerge qutqarýshylar tikushaqpen jetkizildi. RJQJ qyzmetkerleri eki topqa bólinip, Aıǵyrjyqqan shatqalynda izdestirý-qutqarý jumystaryna kiristi.
Qutqarýshylardyń aıtýynsha, izdestirý-qutqarý jumystaryna ózenniń aǵysy men taý shatqaldary kedergi keltiredi.
«Respýblıkalyq jedel-qutqarý jasaǵy izdestirý aımaǵyn keńeıtý úshin qosymsha kúsh retinde eki kınologııalyq esepti qosa alǵanda, jeke quramnyń taǵy segiz adamy jiberildi», dedi baspasóz qyzmeti ókili.
Eske salaıyq, keshe, 27 mamyrda Nazarbaev ýnıversıtetiniń baspasóz qyzmeti Túrkistan oblysy taýlarynda joǵalyp ketken jeti saıahatshynyń altaýy JOO stýdentteri ekenin habarlaǵan bolatyn. 21 mamyrda ýnıversıtettiń alty stýdenti jáne Kentaý qalasy lıseı-ınternatynyń túlegi Túrkistan oblysyndaǵy taýlarǵa 4-5 kúnge jaıaý saıahatqa shyǵyp ketken. Búgin joǵalǵan 7 jigittiń úsheýi tabyldy.
