MEDIA CLUB QAZAQSTAN platformasynda bilim salasynyń sarapshylary JOO tańdaý boıynsha paıdaly keńestemen bólisti. Sondaı-aq UBT týraly sóz qozǵady.
Efır barysynda KAZGIýÝ Ýnıversıtetiniń Basqarma tóraǵasy Talǵat Nárikbaev oqýshylarǵa arnalǵan UBT-ny alyp tastaýdy usyndy. Spıkerdiń aıtýynsha, QR Bilim jáne ǵylym mınıstrligi memlekettik bilim granttaryn bólý prosesinde JOO-larǵa tolyqtaı senim artýy tıis. Sondaı-aq ol mektep balany UBT-ǵa emes, ýnıversıtetke túsýge daıyndaýy kerek ekenin aıtty.
«Mektepterde balalardy tapsyrmalardyń jaýabyn jattaýǵa emes, sheshimin tabýǵa úıretý kerek. Sonyń arqasynda olar mektep kezinen oılanýdy úırenedi. UBT-ny alyp tastap, JOO-lar stýdentterdi burynǵydaı emtıhanmen qabyldaý kerek. Emtıhandar test túrinde emes, Eýropa, Amerıkadaǵydaı belgili bir tapsyrmalar arqyly, balanyń qabiletin, belsendiligin anyqtaý boıynsha ótkizilýi kerek», dedi ol.
QR BǴM Ulttyq testileý ortalyǵynyń eks-dırektory Dıdar Smaǵulov Talǵat Nárikbaevtyń pikirimen kelisetinin aıtyp, UBT-nyń jańa formaty týraly sóıledi.
«Negizinde men UBT balanyń bilimin tekserýdiń eń tıimdi, eń obektıvti quraly emes degen pikirmen kelisemin. Biraq qazir biz kompıýterlik testileýge kóshtik. Jańa formatty memlekettiń shyǵynyn azaıtyp, prosesti sıfrlandyrý úshin ǵana engizgen joqpyz. Ol oqýshynyń bilimin baǵalaý aıasyn keńeıtýge baǵyttalǵan», dep atap ótti Dıdar Smaǵulov.
