Álem • 14 Maýsym, 2021

Izraıl úkimeti aýysty

60 ret kórsetildi

Izraıl Úkimetin 12 jyl boıy basqarǵan Bınıamın Netanıahý qyzmetinen ketti. О́tken senbide el Parlamenti oń qanattyń kóshbasshysy Naftalı Bennet bastaǵan koalısııany maquldady.

Bennet halyqqa Ultshyldar partııa­synyń basshysy retinde tanylǵan. Bul partııa Izraıldiń 120 orynnan tura­tyn Knessetinde 6 orynǵa ıe. Bennettiń kan­dı­datýrasyn Parlament músheleri túgel­deı qoldady. Ol 60-tan 59 daýys jınaǵan.

Úkimetti qolyna alǵan Bennet endi sol­shyldar alıansy, ońshyldar, sentrıs­termen qatar, Izraıldegi Palestına ókil­derinen turatyn partııany da basqarady. Al Izraıl halqynyń 21 paıyzy – pa­les­tınalyqtar. Shyndyǵyna kelsek, joǵa­ryda atalǵan partııalar buǵan deıingi pre­mer Netanıahýdyń jumysyna razy bol­maǵan-dy. Alaıda jańa basshyǵa qatysty ázirge pikir aıtylǵan joq.

El zańnamasyna baılanysty jańa pre­mer-mınıstr 2 jyl qyzmet etedi. Odan keıin onyń ornyna sentrıster ókili kelmek. Bul rette jańa úkimettiń arhıtektory – Iаır Lapıd keledi dep kútilýde.

Jańa quram basyp alǵan aımaqtardaǵy palestınalyqtarǵa qatysty máselelerden góri eldegi reformalarǵa basymdyq berýdi jón kóredi. Palestına halqy bolsa, bıliktiń aýysqanyna asa qýana qoımady. Olar beıbit kelisimnen úmitin úzgen jáne Bennet te Netanıahýdyń saıasatyn jalǵastyrady degen oıda.

Úkimetti 12 jyl basqarǵan Netanıahý jańa quramdy tańdaý kezinde únsiz qaldy. Tipti jańa quramǵa daýys berilip, sheshim qabyldanǵannan keıin de ornyn únsiz bosatty. Jańa saılanǵan premer-mınıstrge qolyn berýmen ǵana shekteldi.

Jalpy, Bınıamın Netanıahý (sý­rette) be­deldi saıasatker retinde tanyl­­­­ǵan. 71 jasqa kel­se de qoldaýy myq­­ty. Degen­men, jem­qor­lyqqa qatys­ty qat­­­ty synǵa ushy­raǵan bolatyn. Úki­met bas­­shysy retinde ol bul aıypty moıyn­damady.

Parlamenttegi eń iri partııanyń bas­shysy retinde jańa Úkimetke qarsy sóı­leýi de kútilýde. Eger Parlamenttegi bir fraksııa ornynan bas tartsa, onda Ne­ta­nıahýdyń qaıtyp kelýine múmkindik bar.

Onyń qarsylastary Netanıahýdyń saıa­saty el úshin tıimsiz jáne qabyldaǵan she­shim­deri tek bılikte qalýyn ǵana qamta­masyz etýge baǵyttalǵan dep aıyptaıdy.

Bılikke kelgen Bennet dinshil, ultshyl retinde tanylǵan. Ol Parlamentte eldiń batysyn jaýlap alý, anneksııaǵa qatysty oıyn aıtyp, úlken talqy týdyrdy. Sol kezdiń ózinde Netanıahýdyń jaqtastary sózin bólip, oıyn sońyna deıin jetkizýge múmkindik bermegen. Eń sońynda zaldy bosatýǵa májbúr bolǵan.

Premer retinde Bennet saıası refor­malardy kózdeıdi. Onyń sheshimderi úlken mańyzǵa ıe bolmaq. О́ıtkeni ol AQSh-tyń Iranmen atom energııasyna qatysty kelisimin synǵa aldy. Al synǵa alý degen Iran­ǵa hımııalyq qarý qolda­nýǵa ruqsat ber­meý degendi bildiredi. Ja­qynda oryn al­ǵan Izraıl men Palestına qaqtyǵy­synda AQSh Izraıl tarapyn qoldaǵan-dy. Bennet bul úshin Djo Baı­denge alǵys bildirip úlgerdi.

Netanıahý Iranmen kelisimge tosqaýyl bolmaýǵa ýáde bergen-di. Sarapshylar Ben­­netke syrtqy saıasatqa qaraǵanda, pales­tı­­nalyqtar máselesin kún tártibine engi­zýge keńes beredi.

Izraıl demokratııa ınstıtýtynyń pre­zı­denti Iohanan Plesner úkimettiń jańa quramy turaqtylyqty qamtamasyz ete ala­dy dep senedi. «Parlamenttegi par­tııa­lar jeke-dara da jaqsy jetistikke jete­tinin dáleldeýmen álek. Sondyqtan oppo­zı­sııanyń kúsh biriktirmeýi Bennettiń jaq­taý­shylaryna úlken múmkindik berip otyr.

Jańa kabınettiń aldynda dıplomatııa, qaýipsizdik, qarjy máselelerimen qatar, Iran, Gazamen qarym-qatynas, Halyq­aralyq qylmystyq sot aldyndaǵy jaýap, koronavırýs pandemııasynan keıingi ekonomıka máseleleri tur.

Sońǵy jańalyqtar

Petr Iаn úzdikter qataryna endi

Jekpe-jek • Búgin, 16:05

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar