Kezdesý barysynda taraptar saýda, ekonomıka, mádenıet jáne bilim berý salalaryna qatysty ekijaqty ózara is-qımyl máselelerin talqylady.
«Túrkııa – elimiz úshin saıası, mádenı jáne ekonomıkalyq-ınvestısııalyq turǵydan mańyzdy strategııalyq seriktes memleket. Táýelsizdigimizdiń alǵashqy kúnderinen bastap qazaq-túrik baılanystary barlyq salada qarqyndy damyp keledi. Búginde memleketterimizdiń basshylary arasyndaǵy turaqty qarym-qatynastyń arqasynda ózara yntymaqtastyq joǵary deńgeıge kóterildi», dedi Máýlen Áshimbaev.
Sonymen qatar suhbattasýshylar Túrkitildes memleketterdiń yntymaqtastyq keńesi aıasynda túrkitildes halyqtardyń ıntegrasııasyn dáıekti túrde damytý máselelerine nazar aýdardy.
Odan bólek, Senat Spıkeri búginde eki memleket arasynda parlamentaralyq yntymaqtastyq ta belsendi damyp kele jatqanyn atap ótti. Máýlen Áshimbaev bul baǵytta Túrkitildes elderdiń Parlamenttik Assambleıasy mańyzdy jumys atqaryp kele jatqanyn aıtty.
