Qazaqstandaǵy Russian Film Festival ROSKINO-nyń RF Mádenıet mınıstrligimen birigip uıymdastyrǵan onlaın-festıvaldar serııasynyń jalǵasy bolmaq. Festıval Qazaqstanda Okko mýltımedııalyq servısimen kollaborasııada ótedi jáne TMD aýmaǵyndaǵy reseılik kınematografqa arnalǵan alǵashqy shara bolǵaly tur.
Qazaqstandaǵy Russian Film Festival baǵdarlamasyna engen fılmder 21 maýsym men 11 shilde aralyǵynda Okko platformasynyń jańa qoldanýshylary úshin festıval ýaqytynda tegin kórsetiledi.
RFF aıasynda 77-shi Venesııa kınofestıvaline qatysyp, qazylar alqasynyń arnaıy syılyǵymen marapattalǵan Andreı Konchalovskııdiń jańa fılmi «Dorogıe tovarıshı» jáne 2002 jyly Máskeýde Dýbrovkadaǵy Teatr ortalyǵynda bolǵan terakttan alǵan jaraqat pen qaıǵy týraly Ivan Tverdovskııdiń «Konferensııa» fılmi kórsetiledi.
Kórermender bas rolderde Svetlana Hodchenko jáne Stasıa Mıloslavskaıa oınaıtyn, bolǵan oqıǵalarǵa negizdelgen «Na ostrıe» sporttyq ekshn-dramasyn, Renata Lıtvınovanyń kostıýmdi qııal-ǵajaıyp «Severnyı veter» ertegisi men «Serebrıanye konkı» atty tarıhı melodramasyn tamashalaıdy. Baǵdarlamada sonymen birge otbasylyq qyzyqty «Palma» fılmi men Mıhaııl Segaldyń «Glýbje!» jańa komedııasy bar. Anımasııalyq baǵdarlama áıgili «Belka ı Strelka: Karıbskaıa taına» mýltfılmin usynady. Russian Film Festival baǵdarlamasyna tuńǵysh ret qońyr aıýlar ómiriniń alǵashqy jyly týraly baıandaıtyn «Medvedı Kamchatkı. Nachalo jıznı» dep atalatyn fılm, 2019 jyly «Úzdik oıynsyz fılm» nomınasııasynda «Zolotoı orel» kınomarapatyna ıe bolǵan.
«Reseı men Qazaqstandy burynnan kele jatqan mádenıet, óner, bilim salasyndaǵy qatynastar biriktirip tur. Bizdiń elderimizdiń Mádenıet mınıstrlikteri ónerdiń túrli salalarynda áriptestik ornatý úshin qolaıly jaǵdaılar jasaı bildi. Úzdiksiz mádenı almasý Qazaqstandaǵy Reseı kúnderi jáne Reseıdegi Qazaqstan kúnderi arqyly, festıvaldar men shyǵarmashylyq ujymdardyń gastrolderi arqyly nyǵaıyp otyrady. Russian Film Festival kınematografııa salasyndaǵy qarym-qatynastardy nyǵaıtyp, bizdiń ındýstrııada jańa mádenı jáne iskerlik baılanystar ornatýǵa yqpal etetin shara bolatynyna qýanyshtymyn», - dedi ROSKINO bas dırektory Evgenııa Markova.
«Qazaqstandaǵy Russian Film Festival – TMD-daǵy bizdiń alǵashqy onlaın-festıvalimiz. Biz mazmuny baı jáne usynysymyzdy úlken yntamen qabyl alǵan Okko servısimen áriptestiktiń bastalǵanyna asa qýanyshtymyz. Biz birige otyryp, Qazaqstan turǵyndary úshin alǵash ret onlaın túrde usynylatyn jańa reseılik relızderdiń jan-jaqty baǵdarlamasyn jınadyq. Odan ózge, biz kórermenderge fılmderimizdiń keıipkerleri men avtorlaryn jaqynyraq tanýǵa múmkindik beretin birqatar qyzyqty sharalar ótkizýdi josparlap otyrmyz. Ańdatpalardy Okko jáne RFF áleýmettik jelilerinen baqylap otyryńyz», dedi Russian Film Festival prodıýseri Igor Homskıı.
«Bizge senim artqany úshin jáne Qazaqstanda Russian Film Festival ótkizýge eksklıýzıvti dıdjıtal-alań retinde shyǵýǵa múmkindik bergeni úshin biz ROSKINO-daǵy áriptesterimizge alǵys aıtamyz. Úzdik evropalyq kınony Reseıde taratýǵa baǵyttalǵan iri onlaın-festıvalder ótkizýden bizdiń ońtaıly tájirıbemiz bar: evropalyq kıno Festıvali, Frankofonııa festıvali. Sondyqtan biz reseılik kınematografty TMD elderinde júrgizý boıynsha úlken jobanyń bir bólshegi bolǵanymyzǵa rızamyz. Biz muny Reseıdegi búkil kınoındýstrııa úshin mańyzdy oqıǵa dep sanaımyz jáne tek Reseıdegi Okko qoldanýshylaryna qoljetimdi bolǵan reseılik kınematograftyń úzdik úlgilerin Qazaqstanda barynsha kóbirek kórermenniń tamashalaýy úshin bar kúshimizdi salamyz», dedi Okko mýltımedııalyq servıssiniń bas dırektory Maksım Evdokımov.
