BQO polısııa departamenti málim etkenindeı, qazirgi kezde Tasqala aýdanyndaǵy sharýa qojalyǵynyń basshysy, 1966 jylǵy A-ǵa qatysty QR QK 287-baby 3-bóligine (zańsyz qarý saqtaý) sáıkes qylmystyq is qozǵaldy. Anyqtalǵanyndaı, A. buryn Reseı Federasııasynyń bas bostandyǵynan aıyrý oryndarynda jazasyn ótep, merziminen buryn bosaǵan.
2016 jyly Qazaqstanda urlyq jasaǵany úshin bas bostandyǵy shektelgen. Departament bastyǵy, polısııa general-maıory Mahsudhan Ablazımovtyń aıtýynsha, kúni búgin kúdikti kovıd jáne ekijaqty pnevmonııa dıagnozymen stasıonarda jatqandyqtan, odan jaýap alý, tergeý ızolıatoryna aýystyrý ázirge múmkin emes.
«A-nyń turǵylyqty mekenjaıyn tintý barysynda tirkelmegen «MAVERIC» myltyǵy (vınchester), 12 kalıbrli myltyqtyń 11 oq-dárisi, 3 pyshaq (qanjar), Kalashnıkov avtomatynyń 1 oq-dárisi, myltyq tazalaıtyn qural tárkilendi. Sonymen qatar dinı kitaptar men dápter tabyldy. Oǵan qosa onyń sharýa qojalyǵyn tintý kezinde bir áskerı granata, Makarov tapanshasynyń 16 dana oq-dárisi, Kalashnıkov avtomatynyń 3 dana oq-dárisi, «LOS-7» sholaq myltyǵy, qylysh, 6 dana dinı kitap tárkilendi», dedi M.Ablazımov.
