Osy kezeńde shamamen 725 myń adam Memlekettik áleýmettik saqtandyrý qorynan jalpy somasy 131,8 mlrd teńgege áleýmettik tólem alǵan.
Atap aıtqanda, joǵaryda kórsetilgen kezeńde MÁSQ-tan mynadaı tólemder júzege asyryldy:
- bala bir jasqa tolǵanǵa deıin onyń kútimine baılanysty tabysynan aıyrylǵan jaǵdaıda tólenetin áleýmettik tólemdi 60,7 mlrd teńge somasyna 430 862 adam aldy, bul ótken jyldyń sáıkes kezeńimen salystyrǵanda 59% - ǵa artyq;
- júktilikke jáne bosanýǵa, jańa týǵan balany asyrap alýǵa baılanysty tabysynan aıyrylǵan jaǵdaıda tólenetin áleýmettik tólemdi 45,1 mlrd teńge somasyna 92 739 adam aldy. Bul ótken jyldyń sáıkes kezeńimen salystyrǵanda 36% artyq;
- 64 440 adam 7,8 mlrd teńge somasyna jumysynan aıyrylý jaǵdaıyna áleýmettik tólem aldy, bul ótken jyldyń sáıkes kezeńimen salystyrǵanda 2 esege artyq;
- asyraýshysynan aıyrylǵan jaǵdaıda beriletin áleýmettik tólemdi 51 749 adam 7,2 mlrd teńge somasyna aldy, bul ótken jyldyń sáıkes kezeńimen salystyrǵanda 21%-ǵa artyq;
- eńbek etý qabiletinen aıyrylǵan jaǵdaıda 85 343 adam 11,1 mlrd teńge somasyna áleýmettik tólem aldy, bul ótken jyldyń uqsas kezeńimen salystyrǵanda 11%-ǵa artyq.
