«Bizdiń eń basty qundylyǵymyz – Ahmet Iаsaýı kesenesi. Sonyń tóńireginde rýhanı mádenı ortalyq quryldy. Sondaı-aq jańa qalyptasyp kele jatqan jańa ákimshilik ortalyq salyndy. Úshinshisi – eski qalany qaıta jańǵyrtý máselesi, tórtinshi baǵyt – qalanyń tóńiregindegi klımatqa, ekologııaǵa baılanysty jobalar. Atap aıtqanda, azyq-túlik beldeýi, jasyl beldeý syndy baǵyttar», dedi oblys ákimi.
Oblysta jalpy óńirlik ónim 2018 jylmen salystyrǵanda 41%-ǵa artyp, 2,4 trln teńgeni quraǵan, ónerkásiptik ónim kólemi 18%-ǵa, aýyl sharýashylyǵy ónimi 34%-ǵa nemese 185,4 mlrd teńgege artqan. Sońǵy 3 jylda negizgi kapıtalǵa baǵyttalǵan ınvestısııalar kólemi 1,6 trln teńge bolyp, onyń ishinde jeke ınvestısııalar kólemi 968,5 mlrd teńgege jetti. Pandemııa kezinde de báseńdemegen qarqyndy qurylys jumystarynyń nátıjesinde 736 myń sharshy metr turǵyn úı paıdalanýǵa berildi. Jalpy óńirlik ónimdegi shaǵyn jáne orta bıznestiń úlesi 21%-ǵa deıin jetip, oblys bıýdjetiniń kólemi 1,6 ese artty, ıaǵnı 893 mlrd teńgeni qurady. Bıyldyń 5 aıynda atqarylǵan oblystyń mańyzdy áleýmettik-ekonomıkalyq damý kórsetkishterine toqtalǵan О́mirzaq Shókeev ónerkásip óniminiń kólemi 238,2 mlrd teńge bolyp, ótken jyldyń tıisti kezeńimen salystyrǵanda 29,8 mlrd teńgege artqanyn atap ótti. О́ńdeý ónerkásibinde 110,9 mlrd teńgeniń ónimi óndirilgen. О́ńirdiń ındýstrııalyq aımaqtarynda jalpy quny 41 mlrd teńgeni quraıtyn jáne 4 340 jumys ornyn ashýǵa múmkindik beretin 60 joba júzege asyrylýda. Búginde TURKISTAN arnaıy ekonomıkalyq aımaǵynda ınvestısııalyq jalpy quny 480,5 mlrd teńge bolatyn 46 joba iske asyrylýda. Jalpy, bıyl ónerkásip ónimi kólemin 565 mlrd teńgege jetkizý josparlanýda. Aýyl sharýashylyǵynda 5 170,3 mlrd teńgeniń ónimi óndirilip, ótken jyldyń sáıkes kezeńimen salystyrǵanda 102,9%-dy quraǵan. Atalǵan salaǵa baǵyttalǵan ınvestısııa 1,9 ese artqan, ıaǵnı 15,3 mlrd teńge bolǵan. Qala aýmaǵynda azyq-túlik beldeýin qalyptastyrý aıasynda quny 35,5 mlrd teńge bolatyn 6 serpindi iri ınvestısııalyq jobalar júzege asyrylýda. Jyl qorytyndysymen oblysqa 800 mlrd teńgege ınvestısııa tartý josparlanýda. О́ńirdiń ónerkásiptik áleýetin damytý maqsatynda «Sastóbe» hımııalyq kesheni, munaı óńdeý zaýyty, kómir-hımııalyq, fosfor kenderin óńdeý zaýyttary, turmystyq tehnıka óndirisi syndy jobalardy iske qosý kózdelýde. Nátıjesinde, 5 myńnan asa adam jumyspen qamtylady.
Túrkistan qalasynda týrızm salasyn damytý, onyń áleýetin arttyrý ári týrısterge tartymdy etý – búgingi kúnniń basty talaptarynyń biri. Búginde «Kerýen saraıǵa» kún saıyn myńdaǵan adam keledi. Keshen jergilikti myń turǵyndy turaqty jumyspen qamtyp otyr. Tarıhı jáne mádenı muraǵa baı óńirde Túrkistan, Kentaý qalalary men Otyrar, Ordabasy, Báıdibek aýdandary baǵytynda tarıhı-tanymdyq týrızmi, Saryaǵash kýrorty aýmaǵynda emdik-saýyqtyrý týrızmi, Túlkibas, Tólebı, Qazyǵurt aýdandarynda ekologııalyq týrızm túrleri qarqyndy damyp keledi. Sonyń biri retinde týrızmdi damytýdaǵy alar orny erekshe «Qasqasý týrıstik-rekreasııalyq kesheni» jobasy iske asyrylmaq.
«Jobany júzege asyrý máselesin 12 jyl buryn qaıta kótergen bolatynbyz. Qazir taǵy oraldyq. Búginde óz qarjysyna salatyn ınvestor tabyldy, al biz ınfraqurylymdy jetkizip berýimiz qajet. Iаǵnı «Qasqasý týrıstik-rekreasııalyq kesheni» jobasy taıaý arada Úkimette talqylanyp, sheshiletin bolady», dedi О́.Shókeev.
Sondaı-aq 2025 jylǵa deıin Túrkistan – Shymkent – Tashkent arasynda joǵary jyldamdyqty temirjol jobasyn iske asyrý josparlanýda. Bul jobany iske asyrý eki el arasyndaǵy ekonomıkalyq yntymaqtastyq pen týrızmdi damytýǵa oń áser beredi. Oblys ákiminiń esebinshe, 2025 jyly týrıster aǵyny men kelýshiler sanyn 2 mln adamǵa deıin arttyrý kózdelýde.
Oblys ákimi jańa qurylǵan Saýran aýdany men Kentaý qalasynyń erteńine qatysty aqparat berdi. Kentaýda jylý máselesi ózekti. Bul oraıda kógildir otyn paıdalanylyp, ár úıge jylý berý kózderin ornatý joly qarastyrylýda. Baspasóz máslıhatynda Baǵys aýylyna qatysty máseleniń sheshimin tapqany da aıtyldy. «Eki memlekettiń arasyndaǵy shekarany anyqtaýda birneshe prosedýra júzege asyrylady. Kezinde demarkasııa ótti, biraq delımıtasııa tolyq aıaqtalmaǵan. Osyǵan qaramastan bıyl Memleket basshysynyń tapsyrmasymen Úkimet, Syrtqy ister mınıstrligi, oblystyq ákimshilik, barlyǵy birigip úlken keshendi jumys atqardy. Nátıjesinde, burynǵy sheshilmeı turǵan 740 gektar jer oblys aýmaǵyna qosyldy», dedi oblys ákimi.
Túrkistan oblysy
