3 mamyr kúni Qaraǵandy qalalyq Polısııa basqarmasyna qarasty Oktıabr polısııa bólimine 39 jastaǵy qala turǵyny aryzben shaǵymdanǵan. Polısııa qyzmetkerlerine ol belgisiz azamattan aldanyp qalǵanyn aıtqan. Jábirlenýshige shuǵyl túrde advokat kerek bolyp, surastyrý barysynda sharýasyn sheship berýge kómektesemin degen advokat tapqan. Alǵashynda jábirlenýshige kómektesemin degen «advokat» sharýasyn sheshý úshin aldyn ala tólem aqy alyp, keıin odan qajet bolyp jatyr degen jeleýmen taǵy da qomaqty aqsha alǵan.
Jábirlenýshi bas aıaǵy ózine qajetti advokatqa 4 mıllıon 425 myń aqsha bergen. Alaıda osynshama qarajatty alǵan «advokat» jábirlenýshiniń birde-bir sharýasyn sheshpegen. Arada ýaqyt ótkende kúdik týdyrǵan er adam múldem qońyraýǵa jaýap bermeı habarsyz ketken. Sonda ǵana jábirlenýshi alaıaqtyń arbaýyna túskenin sezip, polısııaǵa shaǵymdanǵan.
Atalǵan fakti boıynsha Qazaqstan Respýblıkasy Qylmystyq Kodeksiniń 190-babyna sáıkes qylmystyq is qozǵalyp, polısııa qyzmetkerleri alaıaqty izdeýge kiristi. 23 maýsym kúni krımınaldyq polısııa qyzmetkerlerimen júrgizilgen jedel-izdestirý is-sharalary barysynda osy iske qatysy bar degen kúdikpen 39 jastaǵy qala turǵyny ustaldy. Qazirgi tańda tergeý amaldary júrgizilýde.
