Aımaqtar • 30 Maýsym, 2021

Ekpe pýnktteriniń jumys sapasy baqylaýǵa alyndy

37 ret kórsetildi

Almatyda ekpe pýnkteriniń jumys sapasyn jáne vaksınalaý tehnologııasynyń saqtalýyn baqylaıtyn arnaıy jumys toptary quryldy, dep habarlaıdy Egemen.kz.

Qalanyń barlyq aýdandaryndaǵy 208 egý pýnkterinde vaksınalaýǵa arnalǵan sanıtarlyq erejeler talaptarynyń saqtalýyn tekserý úshin jumys toptary quryldy.

«Turǵyndar tarapynan qyzyǵýshylyq óte joǵary, kún saıyn bizge vaksına alý úshin 200-den 250-ge deıin adam keledi, qazirgi kezde biz 4000-ǵa jýyq adamǵa vaksına saldyq.  Vaksınalar muzdatqysh kameralarda saqtalady. Mysaly, Spýtnık V vaksınasynyń dozalary -18 den -24 deıingi temperatýrada, qazaqstandyq vaksına +2 +8 gradýs Selsııde saqtalady», deıdi №18 qalalyq emhananyń terapevti Symbat Berdibek.

Aıta ketsek, ótken táýlikte Almatyda barlyǵy 12 275 adamǵa vaksına salyndy. Barlyq kezeńde 450 myńǵa jýyq almatylyq vaksınadan ótti.

Jumys toby sonymen birge qala ashanalarynyń birin tekserý kezinde sanıtarlyq normalar buzylǵanyn, kelýshiler maska rejımin, áleýmettik araqashyqtyqty saqtamaǵanyn anyqtaǵan.   

Almaty qalasy ákiminiń orynbasary Erjan Babaqumarov jumys saparynyń qorytyndysy boıynsha onlaın formatta qalanyń medısınalyq uıymdarynyń basshylarymen, sondaı-aq aýdan ákimdikteriniń basshylyǵymen turǵyndarǵa medısınalyq qyzmet kórsetý sapasy men jumysyna baılanysty keńes ótkizdi. Aýdan ákimdikterine medısınalyq uıymdarmen birge aqparattyq-túsindirý jumystaryn kúsheıtý tapsyryldy. Mysaly, saýda-oıyn-saýyq ortalyǵy men SÚ-ǵa baratyn azamattar ǵımaratqa kirgen sátten bastap COVID-19-qa qarsy vaksınasııa múmkindigi týraly habardar bolýy jáne vaksına alýdyń mańyzdylyǵy týraly tıisti aqparatty kórýi kerek. 

Megapolıstegi epıdemıologııalyq ahýal barynsha tez taraǵysh mýtasııalanǵan «delta» shtamynyń saldarynan ýshyǵýda. Sońǵy aptada koronavırýspen aýrýshańdyq 1,7 esege ósti. Máselen, ótken táýlikte koronavırýstyq ınfeksııanyń 253 jaǵdaıy anyqtaldy. Sońǵy aptada belgileri bar KVI bar naýqastardyń úlesi 32%-dan 53%-ǵa deıin ósti. Bul málimetter delta shtammynyń COVID-19 patogendiginiń joǵary ekendigin kórsetedi. Epıdemıologtardyń aıtýy boıynsha, delta shtamy óte juqpaly jáne anyqtalǵan shtamdarǵa qaraǵanda 60%-ǵa kóp juqtyrady. Ǵalymdardyń zertteýleri kórsetkendeı, koronavırýstyń «úndi» shtamy aýrýhanaǵa jatqyzý jáne ólim yqtımaldylyǵymen baılanysty.

Sońǵy jańalyqtar

Uqsas jańalyqtar