Qala ákiminiń aıtýynsha, qurylystyń qarqyndy jumysy qarajattyń túsýine qaraı jalǵasatyn bolady.
«Iá, qazir LRT-degi jumystar qaıta jandandy. Kelisimsharttarda kórsetilgen burynǵy sharttar áli de óz kúshinde. Sharttyq mindettemelerge sáıkes jumys júrgizilýde. Biraq qurylys jumystary belsendi dep aıta almaımyn. Belsendi jumys qarajattyń túsýine qaraı jalǵasatyn bolady», dedi Kólginov.
Ákimniń aıtýynsha, qazirgi jumys qolda bar aqshaǵa bastalyp otyr. Al LRT-ny tolyǵymen aıaqtaý úshin qosymsha 1 mıllıard dollar qajet.
«Bas kezinde 2,6 mıllıard dollar bolǵan. Biz ol somany 800 mıllıonǵa azaıttyq, bylaısha, aqshany únemdedik. Endi, vagon men relster, jalpy, barlyq ınfraqurylymdy aıaqtaý úshin shamamen 1 mıllıard dollar kerek bolyp tur», deıdi Kólginov.
Aıta ketsek, elordada LRT jeńil relsti kóligin qurý týraly sheshim 2005 jyly qabyldanǵan. Qurylystyń bastalýyna oraı alǵashqy kapsýlany Elbasy Nursultan Nazarbaev 2011 jyly salǵan bolatyn.
Jobanyń barlyq shyǵyndaryna qaramastan, ákimdik qurylysty aıaqtaýdy josparlap otyrǵanyn buǵan deıin de málimdegen.
Jýyrda baǵandardyń janynda qurylys jumystarynyń jandana bastaǵany baıqaldy. City Transportation Systems (CTS) ókilderiniń aıtýynsha, merdiger uıym - qytaılyq CRAIG konsorsıýmy qazirgi ýaqytta daıyndyq jumystaryn júrgizýde.
Botagóz AMALBEK
