«Byltyr biz Ekologııa, geologııa jáne tabıǵı resýrstar mınıstrligimen birge Shyǵys Qazaqstannyń eki qalasynyń, Aqtóbe oblysynyń bir qalasynyń materıaldyq-tehnıkalyq jabdyqtaý jobasyn pılottyq rejımde qolǵa alǵan bolatynbyz. О́skemen qalasyna 6 qoqys jınaıtyn kólik pen 1,5 myń qoqys konteıneri, Semeı qalasyna 6 kólik pen 1274 konteıner, Aqtóbe qalasyna 6 kólik pen 1800 konteıner satyp alyp berdik. Onyń ústine 7 mln eýroǵa qoqys suryptaıtyn 3 zaýyt satyp aldyq. Oǵan qajet aqsha «О́KM operatory» ýtıl alymynan jınaǵan qarajat esebinen alyndy», dedi seriktestik basshysy.
Onyń aıtýynsha, atalmysh suryptaý jelileri úsh qalanyń ákimdikteriniń balansyna berilgen. Biraq, qoldanysqa berý merzimi keshigetin túri bar.
«О́kinishke qaraı, bizde qaldyqty ortalyqtandyrylǵan tásilmen jınaýdyń ınfraqurylymy durys qalyptaspaǵan. Biz suryptaý jelisin jetkizip bergenimen, ol ornatylatyn ǵımarattyń jobalý-smetalyq qujattary áli bitpegen. Jospar boıynsha qoqys suryptaıtyn zaýyttar О́skemende 29 tamyzda, Semeıde 30 tamyzda, Aqtóbede 1 qazanda iske qosylýy kerek», dedi Medet Qurmanǵalıev.
