Aımaqtar • 01 Shilde, 2021

«QazTransGaz Aımaq» qyzylordalyqtarǵa 1,5 mıllıard teńge shyǵyn tóleıdi

324 ret

kórsetildi

1 mın

oqý úshin

«QazTransGaz Aımaq» AQ-tyń Qyzylordadaǵy bólimshesi tarıftik smeta shyǵyndary babyn buzǵany jáne bekitilgen tarıfti qoldanbaǵany úshin tutynýshylarǵa 1,5 mıllıard teńgeden asa qarajatty qaıtarýǵa mindetteldi, dep habarlaıdy Egemen.kz Ulttyq ekonomıka mınıstrliginiń baspasóz qyzmetine silteme jasap.

Abaı AIMAǴAMBET

«QazTransGaz Aımaq» qyzylordalyqtarǵa 1,5 mıllıard teńge shyǵyn tóleıdi

«2020 jyl boıynsha tarıftik smetanyń oryndalýyna júrgizilgen taldaý sheńberinde, Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Qyzylorda oblysy boıynsha departamenti «QazTransGaz Aımaq» AQ-nyń Qyzylordadaǵy bólimshesinde tarıftik smeta shyǵyndary babyn buzý jáne bekitilgen tarıfti qoldanbaý deregi anyqtaldy.

«Nátıjesinde «QazTransGaz Aımaq»AQ bıyl 1 tamyzdan bastap taýarlyq gazdy gaz taratýshy júıeleri arqyly tasymaldaý qyzmetine QQS-syz 1000 tekshe metrge 3320,45 teńge mólsherinde nemese bekitilgen tarıfke qaraǵanda 44,1 paıyzǵa tómendetilip 1 jylǵa ýaqytsha ótemdik tarıf engizý jolymen tutynýshylarǵa 1 548 508 389 teńge zalal somasyn qaıtarady», delingen mınıstrlik habarlamasynda.

Buryn QQS-syz myń tekshe metr úshin 5941,35 teńge tarıfi qoldanylǵan. Sondaı-aq, kásiporynnyń bekitilgen tarıfti 44,1 paıyzǵa tómendetý múmkindigi bar.

Jańa erejeler 1 tamyzdan bastap kúshine enedi.