SQO aýmaǵynda 5 815 shetel azamaty jáne azamattyǵy joq 255 adam tirkelgen. Alty aıdyń ishinde kóshi-qon normalaryn 293 soltústikqazaqstandyq buzǵan.
Qazaqstan Respýblıkasy aýmaǵynda bolý erejelerin elimizge kelgen 219 sheteldik buzǵan. Elimizde bolý erejelerin birneshe ret buzǵan 24 sheteldik shyǵaryldy. Sondaı-aq shetel jumys kúshterin zańsyz tartýdyń 32 faktisi anyqtaldy. Olar kóbine jeke tulǵalardyń úılerine jumysqa ornalasady. Qazirgi kezde shetel azamattaryn qujattandyrý boıynsha jumys jalǵasýda.
«Kóshi-qon máseleleri boıynsha keńes alý úshin bizdiń mamandarǵa júginýge bolady», deıdi SQO PD Kóshi-qon qyzmeti basqarmasynyń bastyǵy Talǵat Ábilov.
Aıta ketsek, shete azamattary Qazaqstanǵa kelgen jaǵdaıda, úsh jumys kúni ishinde kóshi-qon qyzmetin habardar etý qajet. Elektrondyq-sıfrlyq qoltańba bolǵan jaǵdaıda, vızalyq-kóshi-qon portaly arqyly, úıden shyqpaı-aq tirkeýge bolady. Sonymen qatar basqa memleket azamatynyń elimizde ýaqytsha bolý merzimi asyp ketip, ony uzartýǵa nemese QR shyǵýǵa sharalar qabyldamaǵan jaǵdaıda, kelýshimen birge qabyldaýshy tarap ta jaýapkershilikke tartylady.
