Qalaı bolǵanda da, jeńildetilgen avtonesıeler jalpy ekonomıkaǵa jáne onyń ishinde qarjy naryǵyna oń áser etkenin sarapshylardyń bári aıtady. Ranking.kz agenttiginiń dereginshe, 2021 jyldyń bes aıynyń qorytyndysy boıynsha mindetti avtosaqtandyrý segmentinde jınalǵan saqtandyrý syılyqaqylarynyń kólemi 37,9 mlrd teńgeni qurady, bul ótken jyldyń sáıkes kezeńimen salystyrǵanda (27,7 mlrd teńge) 36,7%-ǵa kóp.
Baǵdarlama sharttaryna sáıkes, qazaqstandyqtar ekinshi deńgeıli bankter arqyly jeńil avtomobılder satyp alýǵa 4% nomınaldy mólsherlememen nesıe alý múmkindigine ıe. Jeńildetilgen nesıeler turǵyndardy otandyq óndirilgen avtomobılderdi satyp alýǵa yntalandyrdy.
2021 jylǵy mamyrdyń aıaǵynda bankter 49 mıllıard teńgege 8,5 myńnan astam nesıe berdi.
Jeńildetilgen nesıeleý óndirýshilerge satylymǵa kómektesti jáne óndiristiń ósýin yntalandyrdy. Ulttyq statıstıka bıýrosynyń málimetteri boıynsha 2020 jyldyń jeltoqsan-qańtar aılarynda kólik quraldary, tirkemeler jáne jartylaı tirkemeler óndirisiniń ósýi 2019 jyldyń nátıjelerimen salystyrǵanda 38,5% joǵary boldy. 2021 jyldyń qańtar-mamyrynda avtomobıl óndirýshiler 2020 jyldyń sońyna qaraı avtomobılder óndirisin 24,6% arttyrdy.
Bıýdjetke jumys oryndary men salyqtardan basqa, jeńil avtokólikterdiń ózindik óndirisi sabaqtas salalardyń damýyna ákeledi.
Ulttyq banktiń halyqqa arnalǵan jeńildetilgen avtonesıeler baǵdarlamasynan shyǵýy kommersııalyq bankterdi óz qarajattary esebinen perspektıvaly baǵytqa kóbirek nesıe berýge yntalandyrýy kerek.
