Aımaqtar • 06 Shilde, 2021

Oralda 36 otbasy apatty úıden jańa páterge kóshti

57 ret kórsetildi

Astana kúni qarsańynda jáne Táýelsizdiktiń 30 jyldyǵyna oraı Oral qalasynda 90 páterli turǵyn úı paıdalanýǵa berildi dep habarlaıdy Egemen.kz.

Dál osy ǵımarattyń ornynda buryn apat jaǵdaıyna kelip, kónergen úı turýshy edi. Memlekettik-jeke menshiktik áriptestik negizinde «Bolashaq-T» qurylys kompanııasy kóne úıdiń ornyna 90 páterlik ǵımarat turǵyzdy. Jańa úıdegi jaıly páterdiń kiltin eń aldymen apatty úı turǵyndary aldy.

«Bizdiń búgingi qýanyshymyz Astana kúni merekesimen tuspa-tus kelip jatyr. Osy kúndi kópten kútip júrgen edik. Jańa baspanamyz yrys-berekege tolsyn, kórshilerime shyn júregimnen baqyt, yntymaq tileımin, qonys qutty bolsyn!», dedi osy kósheniń baıyrǵy turǵyny, «Altyn alqa» ıegeri, 11 bala taýyp ósirgen Mástýra Ataýlına.

Jańa páterge ıe bolǵan qalalyqtardyń qýanyshyn bólisýge Batys Qazaqstan oblysynyń ákimi Ǵalı Esqalıev te keldi. «Tuńǵysh Prezıdentimiz, Elbasy Nursutan Ábishuly Nazarbaevtyń kóregen saıasatynyń arqasynda qazaqtyń baıtaq dalasynda teńdesi joq shahar boı kóterdi. Sońǵy 20 jyldyń ishinde astanamyzda halyqtyń sany bes ese kóbeıip, mıllıonnyń ústine shyqty. О́ńirler elordaǵa qarap boı túzeıdi, damıdy. Sonyń bir kórinisindeı jańa úıimiz memlekettik-jeke menshiktik áriptestik aıasynda salyndy. Bul úıdiń qurylysyn júrgizý úshin memleket tarapynan ınfraqurylym tartyldy, 100 mıllıon teńgeden astam qarajat bólindi. Osy jerdegi apatty úıde turǵan 36otbasy jańa úıge kóshýge múmkindik aldy. Sapasy jaqsy, baǵasy da tıimdi úı salǵan «Bolashaq-T» kompanııasyna alǵys aıtamyz» dedi óz sózinde óńir basshysy.

Oral qalasy ákiminiń orynbasary Mıras Múlkaıdyń aıtýynsha, oblys ortalyǵynda 52 úı resmı túrde apatty dep tanylǵan. Odan bólek salynǵanyna 50 jyldan asqan 200 úı de kónergen ǵımarattar qataryna kiredi. 2015 jyldan beri kóne úılerdi jańǵyrtý jobasy boıynsha Oral qalasynda 19 úı joıylyp, onyń ornyna kópqabatty, zamanaýı 8 ǵımarat boı kótergen. Bul úılerden 1,5 myńnan asa adam jańa páterge kóshti. Baǵdarlama aldaǵy jyldary da jalǵasady.

 

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar