Álem • 07 Shilde, 2021

Vaksına alǵan qazaqstandyqtar Qyrǵyzstanǵa PTR-testsiz kire alady

152 ret kórsetildi

Vaksına saldyrǵan qazaqstandyqtar Qyrǵyzstanǵan PTR-synaqsyz kire alady, dep habarlaıdy Egemen.kz.

Qyrǵyzstannyń Ekonomıka jáne qarjy mınıstrligi janyndaǵy Týrızm departamenti dırektorynyń orynbasary Qııal Kenjematovanyń aıtýynsha, qazir Qyrǵyzstan 19 eldiń, sonyń ishinde Qazaqstannyń vaksınalaý tólqujatyn moıyndaıdy.

«Men Densaýlyq saqtaý mınıstrligindegi áriptesterimmen habarlasyp, bizdiń respýblıkamyz moıyndaǵan vaksınalar týraly suradym. Maǵan «búgingi kúni bar vaksınalardyń barlyǵyn moıyndaımyz», dep jaýap berdi. Sondyqtan biz barlyq vaksına saldyrǵan týrısterden PTR-test talap etpeı, sonyń ishinde QazVac-pen de ótkizemiz», dedi Qııal Kenjematova.

Sondaı-aq Týrızm departamenti dırektorynyń orynbasary vaksına pasportynyń kez kelgen formaty: elektrondy jáne qaǵaz túrinde bolsyn jaramdy ekenin atap ótti.

Týrızm departamentiniń ókili shaǵym túsken kezde qyrǵyzstandyq shekarashylar qazaqstandyq vaksına pasportynyń qandaı ekenin bilmegendikten qazaqstandyqtardy ótkizbegen bolýy múmkin ekenin rastady. Biraq, onyń aıtýynsha, 30 maýsymnan bastap Shekara qyzmetinde tólqujattyń úlgisi berilgen jáne mundaı jaǵdaı endi qaıtalanbaıdy.

 

 

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar