Áleýmettik jeliler men aqparattyq keńistikti monıtorıngileý barysynda ınvestısııalyq qyzmetten joǵary tabys tabýǵa ýáde bere otyryp, óz qyzmetin belsendi jarnamalaıtyn «Finiko» kompanııasy anyqtaldy.
«Finiko» paıdalanýshylarǵa «Syfron Sapital OÜ» platformasynda krıptovalıýtalyq jáne basqa ınvestısııalyq quraldardy satyp alýdy usynady. Bul jyljymaıtyn múlikti, avtomobılderdi satyp alýǵa, mindettemelerdi óteýge jáne ınvestısııalaýǵa baılanysty jaǵdaılardy jalǵan túrde uqsastyratyn oıyn alańy. SYFRON (CFR) – esepteýler júrgiziletin krıptovalıýta resmı valıýta bolyp tabylmaıdy jáne qarjylyq qundylyǵy joq.
Osylaısha, paıdalanýshylar aqshany naqty ınvestısııalyq kompanııaǵa emes, jalǵan valıýtaǵa salady. О́z kezeginde, «Finiko» kompanııasy osy oıyn platformasyn paıdalaný kezinde kúnine 1-1,2% mólsherleme boıynsha kiris tóleýdi ýáde etedi, bul halyqtyń teńgelik depozıtteri boıynsha ortasha naryqtyq mólsherlemeden 43 esege deıin asatyn jyldyq esepteýdegi tabystylyqtyń joǵary deńgeıine sáıkes keledi», dep atap ótti Agenttik ókilderi.
Sonymen qatar «Finiko» tutynýshylyq jáne ıpotekalyq nesıelerdi óteýdi usynady. Kompanııa, eger ol qaryz somasynyń 35%-yn salsa, qatysýshynyń kredıti boıynsha barlyq somany tóleýge mindettenedi. Osyǵan uqsas sharttar avtokólik pen jyljymaıtyn múlikti satyp alý kezinde usynylady: jarna múlik qunynyń keminde 35%-yn quraıdy jáne 3-4 aı ótkennen keıin kompanııa ony satyp alýǵa jáne qatysýshynyń menshigine berýge ýáde beredi.
Kompanııa sondaı-aq kez kelgen satyp alýǵa 25% - ǵa deıin aqshany qaıtarýdy usynatyn jalǵan keshbek-kartalar esebinen artyq kiristilikti jáne tegin qyzmet kórsetý kezinde aı saıynǵy qarajat qaldyǵyna 6% syıaqy usynady. Budan basqa, osy karta sheńberinde 1-den 5 adamǵa deıin tartylǵany úshin 1-den 10% - ǵa deıin joǵary paıyzdyq keshbek usynatyn referaldyq baǵdarlama áreket etedi. Aıta keteıik, «Finiko» ótinishi boıynsha keshbek-kartochka MasterCard-pen yntymaqtastyqta jasalǵan. Alaıda «Finiko» MasterCard seriktesteriniń tiziminde joq.
«Finiko» kompanııasy bankterde arnaıy esep aıyrysý shottaryn paıdalanbaıdy. Alaıaqtyq operasııalardy júrgizý úshin ol aqshany tek qolma-qol nysanda qabyldaıdy nemese Qiwi-koshelek, Iаndeh-money, Easy Pay, PayPal jáne t.b. sııaqty ınternet-tólemder men aýdarymdardyń túrli júıelerin paıdalanady. Osylaısha, qatysýshylar salynǵan qarajattyń qaıda baǵyttalǵanyn baqylaı almaıdy. Qarjy pıramıdasyn uıymdastyrý faktisi boıynsha Reseı Federasııasynyń aýmaǵynda «Finiko» kompanııasynyń atyna qylmystyq is qozǵaldy», dep tolyqtyrdy Agenttikte.
QR Qarjy naryǵyn retteý jáne damytý agenttigi «Finiko» qyzmetin qarjy pıramıdasy men qarjylyq alaıaqtyq belgileri bar dep baǵalaıdy. Bul kompanııa qarjy uıymdaryna jatpaıdy, óıtkeni ýákiletti organnyń lısenzııasy joq jáne tıisinshe halyqtan aqsha tartý, senimgerlik basqarý jáne tartylǵan qarajatty ınvestısııalaý jónindegi qyzmetti júzege asyrýǵa quqyǵy joq.
Agenttik depozıtter túrinde ne qarjy quraldaryna ınvestısııalardy júzege asyrý úshin aqsha tartý tek ekinshi deńgeıdegi bankter, Ulttyq poshta operatory jáne baǵaly qaǵazdar naryǵynyń kásibı qatysýshylary (brokerler-dılerler jáne basqarýshy kompanııalar) júzege asyra alatyn lısenzııalanatyn qyzmet túrlerine jatatynyn eske salady.
Osyǵan baılanysty Agenttik Qazaqstan azamattaryn ınvestısııalaýdyń jáne «Finiko» kompanııasymen sharttyq qatynastar ornatýdyń, qarajatty osy kompanııanyń shottaryna aýdarýdyń nemese qolma-qol aqsha berýdiń qaýiptiligi týraly habardar etedi.
