«Qazirgi kezde áleýmettik saladaǵy 11 memlekettik qyzmet túri proaktıvti formatqa aýdaryldy. Ondaǵy basty shart – qoldanýshy mobıldi azamattar bazasynda tirkelýi tıis. 2017 jylǵa deıin bizden tólem alatyn adamdardyń barlyǵy HQKO kelip, qujattaryn ózderi jınap, ótkizetin bolsa, qazirgi kezde barlyǵy avtomattandyrylǵan júıede iske asyrylady. Mysaly, tek bir SMS-habarlamaǵa jaýap bere otyryp, birden týý týraly kýálikti rásimdeýge, balabaqshaǵa kezekke turýǵa jáne bala kútimi boıynsha járdemaqy alýǵa bolady», dedi «Azamattarǵa arnalǵan úkimet» memlekettik korporasııasynyń basqarma tóraǵasynyń orynbasary Birjan Júnisov halyqty proaktıvti formatta áleýmettik qyzmetterdi alý úshin mobıldi azamattar bazasynda tirkelýge shaqyra otyryp.
Sonymen qatar aldaǵy ýaqytta adamǵa turǵylyqty jerine qaramastan qyzmet alýǵa múmkindik berý máselesi sheshimin tabatyn bolady.
