«Sanon Gaıtıge maýsym aıynyń basynda óziniń jeke ushaǵymen ushyp kelgen. Janynda alty kolýmbııalyq kúzetshisi bolǵan. Onyń elge kelýdegi «saıası maqsaty» – tóńkeris jasap, prezıdenttiń ornyn basý», dedi Gaıtı polısııasynyń bastyǵy Leon Sharl mınıstrler qatysqan baspasóz máslıhatynda.
Sharldiń aıtýy boıynsha, qastandyq jasaýshylardyń taǵy eki jetekshisi bolǵan, alaıda olardyń kim ekeni belgisiz.
Sanonnyń úıin tintý kezinde qarý-jaraq pen oq-dáriler tabyldy.
Eske sala ketsek, Gaıtı Prezıdenti Djovenel Moız seısenbiden sársenbige qaraǵan túni rezıdensııasyna belgisiz adamdardyń shabýylynan qaza tapqan. Shabýyl kezinde eldiń birinshi hanymy Martın Moız jaraqat alyp, aýrýhanaǵa jetkizildi. Jovenel Moızdi óltirdi degen kúdikpen birneshe qylmysker qamaýǵa alyndy.
