Almaty ákiminiń aıtýynsha, shildeniń birinshi aptasynda tutyný baǵalar ındeksi 0,4%-ǵa tómendedi. Bul qalanyń pozısııasyn 4 tarmaqqa tómendetýge múmkindik berdi. Jeńildetilgen nesıe boıynsha shamamen 8 mıllıard teńge berildi.
«Buǵan saýda jelileri men óndirýshiler qatysty. Mysaly «Magnum Cash & Carry» JShS-ǵa 12 ataýly áleýmettik mańyzy bar azyq-túlik taýarlaryn, atap aıtqanda: un, kúrish, qaraqumyq jarmasy, makaron ónimderi, qant, kúnbaǵys, sary maı, aıran, sút, súzbe, taýyq pen sıyr etin osy jyldyń sońyna deıin belgilengen baǵamen alýǵa jáne uıymdastyrýǵa 3,1 mıllıard teńge bólindi», dep túsindirdi ol.
Bıyl qarasha aıyna deıin «Toımart» saýda jelisiniń sórelerine qoıylatyn 10 áleýmettik mańyzy bar azyq-túlik taýarlarynyń baǵasyn belgileý úshin 245 mıllıon teńge paıdalanylady.
1 mlrd teńge - «Aqsaı «HBK» JShS 23,8 myń tonna nandy belgilengen naqty baǵasymen jetkizý úshin, 75 tg/bólke osy jyldyń jeltoqsan aıyna deıin.
800 mln teńge - «Alsad Qazaqstan» JShS-ne 49,6 mln jumyrtqa jetkizý úshin, belgilengen naqty baǵasy 400 tg/ondaǵan 3 jyl ishinde.
«Union Products» JShS-ne 2730 tonna et ónimin (1365 tonna sıyr eti men taýyq eti boıynsha) 132 dúkenge belgilengen baǵa boıynsha (2050 – sıyr eti, 782 tg-taýyq eti) 2022 jyldyń naýryzyna deıin jetkizý úshin 250 mln teńge berilgen.
«Asyl Meat» JShS fırmalyq dúkenderine 2022 jyldyń maýsymyna deıin 2050 tg/kg baǵamen 90,5 tonna sıyr etin jetkizý úshin 88 mln teńge bólindi.
255 tg/kg-nan 5 myń tonna qant jetkizý úshin iri qant óndirýshi - «Merki qant zaýytyna» «aınalym» zaemyn berý pysyqtalyp jatyr.
«Qalanyń jeti negizgi azyq-túlik bazarlarynda (Kók bazar, Jańa Aqbulaq, Sary-Arqa, Tastaq, Taýsamaly, Almaty-1, Túrksib jármeńkesi) «áleýmettik dúkender» jumys isteıdi. Bul bazarlarda ÁMAT-tyń 10 túri ortasha naryqtyq baǵadan tómen baǵamen satylady, bul satýshylar arasynda básekelestik ortany qalyptastyra otyryp, halyqty qoljetimdi baǵamen kókónis ónimderimen qamtamasyz etýge múmkindik beredi», deıdi Baqytjan Saǵyntaev.
2021 jylǵy 24 maýsymda Almaty qalasy men Almaty oblysynyń óńiraralyq kooperasııasy ózara yntymaqtastyq týraly memorandýmǵa qol qoıylǵan bolatyn.
Kartop pen sábiz baǵasynyń ósýine baılanysty jedel túrde Túrkistan oblysynan kókónisterdi tikeleı jetkizý máselesi de sheshildi. Bul kartopqa kóterme baǵany 260 teńgeden 125 teńgege deıin, sábizge 450 teńgeden 200 teńgege deıin tómendetýge yqpal etti.
Bolashaqta naryqtyń tolyǵýyna baılanysty baǵany tómendetý tendensııasy saqtalmaq.
