2013 jylǵy 20 jeltoqsan, Astana, Úkimet Úıi
«Qazaqstan Respýblıkasynyń turǵyn úı qoryn memlekettik esepke alý erejesin bekitý týraly» Qazaqstan Respýblıkasy Úkimetiniń 2009 jylǵy 31 jeltoqsandaǵy № 2336 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:
1. «Qazaqstan Respýblıkasynyń turǵyn úı qoryn memlekettik esepke alý erejesin bekitý týraly» Qazaqstan Respýblıkasy Úkimetiniń 2009 jylǵy 31 jeltoqsandaǵy № 2336 qaýlysyna (Qazaqstan Respýblıkasynyń PÚAJ-y, 2010 j., № 5 73-qujat) mynadaı ózgeris engizilsin:
kórsetilgen qaýlymen bekitilgen Qazaqstan Respýblıkasynyń turǵyn úı qoryn memlekettik esepke alý erejesinde:
13-tarmaq mynadaı redaksııada jazylsyn:
«13. Ár sharýashylyq boıynsha esepke alý sheńberinde kenttiń, aýyldyń, aýyldyq okrýgtiń ákimderi Qazaqstan Respýblıkasynyń memlekettik statıstıka salasyndaǵy zańnamasyna sáıkes turǵyn úıler men turǵyn úı-jaılardy (páterlerdi) esepke alýdy júrgizedi, tirkeý jazbalaryn júrgizýdi uıymdastyrady.».
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
