Ońtústik Qazaqstan oblysyndaǵy kókparda kisi ólimi boldy. Bul týraly «24 kz» habarlady.
Qandy oqıǵa Túlkibas aýdanynda oryn alǵan. Ulttyq oıyn qyzǵan shaqta eki jigittiń arasynda kıkiljiń týyndap, olardyń biri ekinshisine oq atady. Aýyr jaraqat alǵan shabandoz aýrýhanaǵa jetpeı, jedel járdem kóliginde kóz jumdy. Tártip saqshylary izin sýytqan kúdiktini bir táýlikten keıin qolǵa túsirdi. Ol jergilikti jerdiń turǵyny bolyp shyqty.
«Aıǵaqty zat retinde kúdiktiden «Makarov» tapanshasy men «Saıga» myltyǵy tárkilendi. Oǵan qatysty Qylmystyq kodekstiń 96-baby boıynsha qylmystyq is qozǵalyp, tergeý amaldary júrgizilýde», - deıdi oblystyq ishki ister departamenti memlekettik til jáne aqparat basqarmasynyń basshysy Saltanat Qarakózova.
Baqytbek Keneshuly.
Derekkóz: «24 kz»
Foto: Newreporter. org.
