Oblystyq ekologııa departamenti baspasóz qyzmetinen málim etkendeı, «Qazaqstan Ǵarysh Sapary UQ» AQ-nyń túsirilimderi nátıjesinde Atyraý oblysynda 130 qoqys úıindisi anyqtalyp otyr. Onyń 128-i Atyraý qalasynda bolsa, ekeýi Mahambet aýdanynyń aýmaǵynda ornalasqan.
«Ǵaryshtyq monıtorıng nátıjelerimen anyqtalǵan qoqys qaldyqtarynyń ornyn joıý úshin arnaıy keste jasaqtaldy. Atalǵan kestege sáıkes stıhııalyq qoqys úıindilerin joıýǵa 1 aı merzim belgilendi», dep habarlady departamenttiń baspasóz qyzmeti.
Departament mamandary qalalyq ákimdik, polısııa ókilderimen birge turmystyq qaldyqtardy tastaǵan tulǵalardy anyqtaý maqsatynda reıdtik is-shara uıymdastyrdy. Is-shara kezinde Atyraý qalasynyń Jumysker shaǵyn aýdanynda anyqtalǵan stıhııalyq qoqys oryndaryna baqylaý júrgizilip, sol aýmaqtyń turǵyndarymen kezdesý ótkizdi.
