Narazylyq aksııasy 15 shilde kúni arabtar kóptep qonystanǵan Irannyń ońtústik-batysyndaǵy Hýzestan provınsııasynda bastaldy.
Jergilikti aqparat kózderiniń habarlaýynsha, keshe túnde Ahvaz, Sýsendjerd, Kýt-Abdýlla, Shýsh jáne Kerhe qalalarynda narazylyq sharalary jalǵasqan. Azamattar sýmen qamtamasyz etý máselesin sheshýdi talap etken.
Sýsendjerd qalasynda narazylyq bildirýshiler depýtat Qasym Saıdıdiń úıiniń mańyna jınalyp, synı maǵyndaǵy urandar aıtty.
Narazylyq bildirýshiler Karýn ózeninen sýdy eldiń basqa provınsııalaryna berý jobasyn júzege asyrýdy toqtatýdy talap etti. Olardyń aıtýynsha, sonyń saldarynan sý tapshylyǵy týyndaıdy.
Keıbir qalalarda polısııa men demonstranttar arasynda qaqtyǵystar bastaldy. Demonstranttar kóshelerdi jaýyp, ǵımarattardy órtegen.
