«Polısııanyń barlyq bóliminde arnaıy monıtorıngtik toptar quryldy, olar ınternet jelisinde, áleýmettik jelilerde jáne messendjerlerde, jergilikti pablıkter men jarnamalyq saıttarda ornalastyrylatyn jalǵan qujattardy satý jónindegi habarlandyrýlardy anyqtap, pysyqtaıdy. Polısııa osyndaı mazmundy 46 jarnamany anyqtady, onda jalǵan vaksınasııa tólqujattary, sondaı-aq oń nemese teris test nátıjeleri bar taldaý nysandary belgili aqshaǵa usynylǵan», dedi brıfıng moderatory Shuǵyla Turlybek.
Onyń aıtýynsha, bul resýrstarda Reseıde, Ýkraınada, Úndistanda jáne AQSh-ta medısınalyq anyqtamalar men vaksınasııa sertıfıkattaryn satý týraly habarlandyrýlar taratylǵan.
«Anyqtalǵan habarlandyrýlarda IIM kıberqylmyspen kúres ortalyǵynyń mamandary aldyn ala tólem alýǵa baǵyttalǵan alaıaqtyq shemalaryn qadaǵalaıdy. Vaksınasııalaýdyń 1-shi kezeńinen ótkendigi týraly rastaý úshin alaıaqtar memlekettik organdardyń resmı resýrstaryna jatpaıtyn bógde poshta jáshikterinen habarlama jiberedi. Sodan keıin olar 2 kezeń úshin aldyn ala tólemdi talap etip, qujat qunyn alyp alǵan soń joǵalady. Birqatar jarııalanymdy taldaý alaıaqtardyń sheteldik bankterdiń kartalaryn qoldanǵanyn anyqtady, al satýshylar únemi ózgerip turatyn vırtýaldy telefon nómirlerin jıi qoldanady. Aldanǵan adamdar quqyq qorǵaý organdaryna júginbeıdi, óıtkeni olar jalǵan qujattardy satyp alý arqyly zańdy buzýǵa tyrysty», dep túsindirdi Shuǵyla Turlybek.
Anyqtalǵan sheteldik resýrstar qazaqstandyq paıdalanýshylardyń qoljetimdiligin buǵattaý úshin ýákiletti organǵa jiberilgen.
