Aqmola oblysy polısııa departamenti baspasóz qyzmeti taratqan málimet boıynsha, Birjan Sal aýdanynyń aýmaǵynda syrtqy túri boıynsha áskerı, sılındr pishindes metall zattar tabylǵan.
Oqıǵa ornyna aýdandyq polısııa bóliminiń jedel-tergeý toby men Aqmola oblysy PD oqý-jattyǵý vzvodynyń qyzmetkerleri shyqty. Áskerı qarýlar tabylǵan aýmaq tolyǵymen qorshalǵan.
Aýmaqty tekserý barysynda metall zattardyń «ý-OZM-72» markaly synyqty mınalar ekeni anyqtaldy. Mınalardy zertteý barysynda mamandar olardyń tozǵanyn, korrozııaǵa ushyraǵany men mehanıkalyq zaqymdanýlary baryn aıtty. Áskerı mınalar sol jerde zalalsyzdandyryldy.
Mınalar tabylǵan aýmaqqa taıaý jerde buryn «Iýbıleınaıa» shahtasyna tıesili jarylǵysh zattardyń qoımasy ornalasqany belgili boldy. Bul qoıma 1990 jyly jabylǵan.
