Saılaý T.Rysqulov aýdanynda da joǵary deńgeıde ótýde. Aýdannyń Abaı, Tereńózek, Jańaturmys, Qoraǵaty, Qaraqystaq, Aqyrtóbe, Qaıyńdy jáne О́rnek aýyldyq okrýgterinde 16 saılaý ýchaskesi jumys istep tur. Nátıjesinde aýdanda 8 aýyldyq okrýgtiń ákimi saılanatyn bolady.
Aýyl turǵyndary da saıası naýqanǵa belsene qatysýda. Máselen, Qaraqystaq aýylynyń turǵyny, kámelet jasyna bıyl tolǵan Shákárim Ábdimálikuly alǵash ret aýyl ákimderiniń saılaýynda №349 saılaý ýchaskesine baryp, óz tańdaýyn jasady. Sondaı-aq, aýyl ákimderiniń jańa formattaǵy saılaýyna Abaı aýyldyq okrýgindegi №346 saılaý ýchaskesinde komıssııa tóraǵasy, ardager Rysbek Sekerbekov pen ózge ult ókili Nagıma Bekpanova da daýys berse, Jańaturmys aýylynyń 98 jastaǵy turǵyny, Uly Otan soǵysynyń ardageri Shaldanbaı Shańbaev óz tańdaýyn jasaýmen qatar, úmitkerlerge aq batasyn da berdi.
Uıymdastyrýshylar tarapynan saılaý ýchaskesine eń birinshi kelip daýys bergenderge, tuńǵysh ret tańdaý jasaǵandarǵa, saılaý kúni týǵandarǵa jáne jasy eń úlken saılaýshylarǵa arnaıy syılyqtar berildi.
Jalpy, saılaýda T.Rysqulov aýdany boıynsha ár aýyldyq okrýgten 3 kandıdattan barlyǵy 24 kandıdat baq synaýda. Onyń ishinde 9 kandıdat ózin-ózi usyný jolymen saılaýǵa tússe, 7 kandıdat Nur Otan partııasynan jáne 8 kandıdat «Aq jol» partııasynan usynylǵan. Aýdandaǵy barlyq 16 saılaý ýchaskesinde sanıtarlyq talaptar tolyǵymen saqtalǵan.
Sonymen qatar, T.Rysqulov aýdanynda saılaý ótip jatqan 8 aýyldyq okrýgte 12866 daýys berýshi bar. Bul saılaý naýqanyna 60 senimdi ókil tirkelgen.
Sondaı-aq, 92 ýchaskelik jáne aýdandyq saılaý komıssııasynyń 7 múshesi bar. Aýdannyń «Partııalyq emes baqylaý ortalyǵy» Respýblıkalyq qoǵamdyq birlestiginiń táýelsiz baıqaýshylary da saılaý barysyn qadaǵalaýda.
Jańaturmys aýyldyq okrýgindegi №351 saılaý ýchaskesiniń «Partııalyq emes baıqaýshysy» Ferýza Aqbuzaýova saılaýdyń joǵary deńgeıde ótip jatqanyn, saılaýǵa halyqtyń belsendi túrde qatysyp otyrǵanyn aıtty.
