Aqtóbe qalasynda 31 jastaǵy áıel 40 jastaǵy er adamnan ortaq turǵyn úı satyp alý úshin 14 mıllıon teńge aqshasyn alǵan. Keıin bir aı boıy áıel adam habarsyz ketkendikten, jábirlenýshi polısııaǵa júgindi. Atalǵan fakti boıynsha QR QK 190-baby 3-bóligi (Alaıaqtyq) boıynsha qylmystyq is qozǵaldy. Alaıaqtyqtyń taǵy bir deregi tirkeldi. 31 jastaǵy jergilikti turǵyn VAZ-2115 kóligin satpaq bolady.
Bir qala turǵyny oǵan kóligin áldeqaıda qymbatqa satyp bere alatyny týraly usynys aıtqan. Kólik ıesi oǵan senip, kóligin tabystaǵan. Keıin kúdikti úsh aı boıy jábirlenýshiden jasyrynyp júrgen, sol sebepti jábirlenýshi polısııaǵa júgindi.
Polısııa qyzmetkerleri kúdiktini ustap, anyqtady. Ol buryn alaıaqtyq úshin qylmystyq jaýapkershilikke tartylǵan 26 jastaǵy jas jigit bolyp shyqty. Atalǵan is boıynsha sotqa deıingi tergeý bastaldy. Jalpy shyǵyn bir mıllıon teńgeni qurady.
