2021 jyldyń 6 shildesinde Shymkent qalasynyń ál-Farabı aýdany Qazybek bı kóshesinde belgisiz júrgizýshi kólikti basqaryp kele jatyp, 60 jastaǵy adamdy qaǵyp ketken. Oryn alǵan oqıǵanyń saldarynan jaıaý júrginshi dene jaraqatymen aýrýhanaǵa jetkizilip, kóz jumdy.
Atalǵan fakti QR QK 345-babynyń 3-bóligi jáne QR QK 347-babymen tirkeldi.
26 shildede jedel-izdestirý is-sharalary barysynda Toyota Camry markaly avtokóligin basqarǵan Shymkent qalasynyń 30 jastaǵy turǵyny anyqtalyp, qamaýǵa alyndy.
Kólik aıyp turaǵyna qoıylyp, is boıynsha tıisti saraptamalar taǵaıyndaldy. Jaýap alý barysynda kúdikti óz kinásin tolyq moıyndady. Qazirgi ýaqytta ol ýaqytsha ustaý ızolıatoryna qamalǵan. Jol-kólik oqıǵasy boıynsha sotqa deıingi tergep-tekserý amaldary júrgizilýde.
