Túrkistan oblysy PD esirtki qylmysyna qarsy is-qımyl basqarmasy esirtki quraldarynyń zańsyz aınalymyna baılanysty qylmystardyń aldyn alý boıynsha jedel-profılaktıkalyq jáne reıdtik is-sharalar júrgizýde.
Qabyldanǵan sharalardyń qorytyndysy boıynsha, 2021 jyldyń basynan beri polıseıler esirtkige baılanysty 262 faktini, onyń ishinde 138 qylmysty jáne 124 esirtki taratýdy anyqtady. Onyń ishinde esirtki satýdyń - 42, esirtkini asa iri mólsherde saqtaýdyń - 12, kontrabandanyń - 20, esirtki quraldaryn nasıhattaý jáne jarnamalaýdyń - 2, esirtki egýdiń - 60, psıhotroptyq zattardyń zańsyz aınalymynyń - 2 faktisi tirkeldi.
Atqarylǵan jumys barysynda 5 tonnadan astam esirtki zaty tárkilendi. Onyń ishinde, 5 tonna 85 kg. marıhýana, 526 gr. gashısha, 68 gr. geroın jáne 18 gramnan joǵary sıntetıkalyq esirtki tárkilengen.
Túrkistan oblysy PD esirtki qylmysyna qarsy is-qımyl basqarmasynyń jedel ýákilderi atap ótkendeı, esirtkiniń taralýyna qarsy kúres jumystary aldaǵy ýaqytta da jalǵasa bermek. Bul baǵytta júıeli jumys júrgizilip, esirtkisiz qoǵamdy qalyptastyrý jónindegi is-sharalar iske asyrylatyn bolady.
