Aımaqtar • 02 Tamyz, 2021

Almatyda bir táýlikte indet juqtyrǵandar sany 1500-nan asty

304 ret kórsetildi

Megapolıste koronavırýs juqtyrǵandardyń sany búgin 1500-nan asty, dep habarlaıdy Egemen.kz.

Bul týraly О́ńirlik kommýnıkasııalar qyzmetiniń baspasóz konferensııasy barysynda Almaty qalasy Sanıtarlyq-epıdemıologııalyq baqylaý departamenti basshysynyń orynbasary Ásel Qalyqova málimdegeni aıan.

Á. Qalyqovanyń aıtýynsha, shildede juqtyrǵandar sany 25 500-den asqan, jyl basynan beri Almatyda 81 myńnan astam adam koronavırýs juqtyrǵan. Sońǵy tórt kúnde 6 266 jaǵdaı tirkeldi.

Almaty epıdemıologtary tamyz aıynda KVI ınfeksııasyn 34,5 myń, qyrkúıekte –4,5 myńdaı adam juqtyrady jaǵdaıǵa degen boljam aıtyp otyr.

«Bir apta ishinde Almatyda KVI aýrýyn tirkeý 1,5 esege ósti – 6 397-den 9 852 jaǵdaıǵa deıin, kúndelikti ósim 1,7% qurady. О́tken aptaǵa qaraǵanda sımptomdy naýqastar úlesi 90%-dan 92%-ǵa ósti», dedi Ásel Qalyqova.

SEBD basshysynyń orynbasarynyń aıtýynsha, indettiń órshýin toqtatý úshin qalada vaksınalaý qarqynyn arttyrý qajet.

«Búgin biz jastar arasynda derttiń asqynǵanyn jáne aýrýdyń aýyr  túrin  tirkeýdemiz. Bul vırýstyń jańa, juqpaly shtammdaryna baılanysty. Infeksııa tez taralady jáne jıi aýyr asqynýlarǵa ákeledi. Onyń taralýyn toqtatýdyń, turǵyndardyń densaýlyǵy men ómirin saqtap qalýdyń jalǵyz joly – koronavırýsqa qarsy vaksınasııa», dep jalǵastyrdy sózin Á. Qalyqova.

Eske salsaq, qalada medısınalyq uıymdarda, mektepterde, mádenıet jáne sport nysandarynda, bazarlarda jáne qalanyń saýda oıyn-saýyq ortalyǵynda 167 ekpe pýnkti bar. 1038 adamnan turatyn 234 ekpe brıgadasy jumyldyrylǵan.

Sońǵy jańalyqtar

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar