Psıhotroptyq zattardy zańsyz alý, saqtaý jáne satý boıynsha qylmystyq quqyq buzýshylyq jasady degen kúdikpen Qaraǵandy oblysynyń 39 jastaǵy turǵyny ustaldy.
«Áýezov aýdandyq PB JPQB ýchaskelik ınspektory B. esimdi er adamdy ustaý kezinde 80 dana psıhotroptyq zattar taýyp, tárkiledi. Kúdikti esirtkini Áýezov aýdanynyń aýmaǵyna qaldyrmaq bolǵan. Polısııa qyzmetkerleri turǵylyqty jeri boıynsha tintý júrgizgennen keıin psıhotroptyq zat salynǵan 255 dana aldyn ala qaptalǵan sómkeler men psıhotroptyq zaty bar 166 polımerli kapsýla men eki qalta tarazysyn tárkiledi. Barlyǵy 650 gramm esirtki zaty tabyldy», dedi Áýezov aýdandyq PB bastyǵy Ulan Ábilhaıyr.
Sot-hımııalyq saraptamasy anyqtaǵandaı, tárkilengen esirtki psıhotropty 2-pırrolıdın nemese qarapaıym tilmen aıtqanda, «skorost» dep atalady. Baıandamashynyń aıtýynsha, asa iri kólemdegi esirtkini saqtaý múliktiń tárkilenýi men on jyldan on bes jylǵa deıin bas bostandyǵynan aıyrý túrindegi jazany qarastyrady.
Bul derek boıynsha QR QK-niń 297-baby 3-bólimi 1,3-tarmaǵyna sáıkes sotqa deıingi tergeý bastaldy. Ustalǵan adam Almaty qalasy PD ýaqytsha ustaý ızolıatoryna qamaldy.
