«Koronavırýs búginde aldyn alýǵa bolatyn aýrý. Vaksınasııa koronavırýstyq ınfeksııadan 100 paıyzǵa bolmasa da qorǵaıdy jáne aýyr aýrýdyń aldyn alady. Búgingi kúni álemde ár túrli vaksınalardyń 4 mıllıard dozasy egildi. Vaksına 100 paıyz qaýipsiz emes, óte sırek jaǵdaıda allergııalyq reaksııa nemese tromboz sııaqty janama áseri bolýy múmkin. Mundaı reaksııalar vaksınasııalanǵan 50 myńnyń birinde ǵana kezdesedi. Bul yqtımaldylyqty naızaǵaı túsýimen nemese qulap bara jatqan kópirde bolýmen salystyrýǵa bolady. Iаǵnı, bul óte sırek kezdesedi», dep túsindirdi sarapshy.
Onyń aıtýynsha, vaksına reprodýktıvti fýnksııaǵa nemese náresteniń densaýlyǵyna áser etpeıdi.
«Kerisinshe, koronavırýs juqtyrǵandarda bedeýlik, shala týylý, sondaı-aq mıdyń, júrektiń jáne basqa múshe qyzmetiniń sozylmaly buzylýyna, onyń ishinde aqyl-oı qabiletiniń tómendeýine úlken qaýip tóndiredi», dedi Almaz Sharman.
