Túrkistan oblysynda esirtki qylmysynyń aldyn alý boıynsha kúndelikti reıdtik jumystar júrgizilýde.
Osy baǵyttaǵy sharalardy júrgizý barysynda Tólebı aýdanyndaǵy demalys oryndarynyń birinde er adamnyń áreketi polıseılerge kúdik týdyrdy. Er adamdy tintý kezinde onyń shalbarynyń qaltasynan esirtkige uqsas paketke oralǵan úsh zat tabyldy. Zattar tárkilenip, saraptamaǵa joldandy.
Atalǵan fakti QR QK-niń 296-baby «Esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý» boıynsha tirkeldi.
Saraptama qorytyndysyna sáıkes, tabylǵan zat úsh gramǵa jýyq «sıntetıkalyq esirtki» bolyp shyqty. Ustalǵan er adam Shymkent qalasynyń turǵyny ekeni anyqtaldy. Qazirgi tańda onyń basqa da qylmystarǵa qatystylyǵy tekserilýde. Kúdikti qamaýǵa alyndy.
