Qazaqstandyqtar úshin granttardy Slovakııa, Ázirbaıjan jáne Vetnam elderi bóledi. Osylaısha, eger 2019 jyly bilim berý salasynda ýaǵdalastyqtary bar memleketter tiziminde jeti el bolsa, 2021 jyly olardyń sany 10-ǵa deıin ósti. Olardyń arasynda Vengrııa, Polsha, QHR, Ýkraına, Belarýs, Qyrǵyzstan jáne Tájikstan bar.
О́tken eki jylda myńǵa jýyq qazaqstandyq osy elderdiń jetekshi joǵary oqý oryndarynda tegin bilim aldy. Bıyl qazaqstandyqtarǵa 500-ge jýyq grant bólindi. Úkimetaralyq granttar aıasynda qazaqstandyqtar bakalavrıat, magıstratýra, doktorantýra jáne rezıdentýra baǵdarlamalary boıynsha oqytýdan óte alady.
«Joǵary bilim berý salasyndaǵy halyqaralyq yntymaqtastyq kadrlyq áleýetke jemisti áser etýde. Otandyq joǵary oqý oryndarynda bilim berý prosesiniń sapasyn kúsheıtýmen qatar, azamattarymyzdyń álemniń jetekshi joǵary oqý oryndarynda bilim alý múmkindigine ıe bolýy úshin jaǵdaı jasaý qajet. Biz «Bolashaq» stıpendııalyq baǵdarlamasy boıynsha ǵana emes, úkimetaralyq kelisimder sheńberinde de qazaqstandyqtardy tegin oqytý úshin elderdiń geografııasyn keńeıtýdemiz. Otanyna oralǵannan keıin mamandar alǵan bilimderin ózderi jumys isteıtin salany damytý úshin qoldanady dep úmittenemiz», dedi Bilim jáne ǵylym vıse-mınıstri Qýanysh Erǵalıev.
Aıta ketsek, 2019 jylmen salystyrǵanda konkýrstyq irikteýge qatysýǵa nıet bildirýshiler sany 15%-ǵa ósti. Úmitkerlerdi irikteýdi depýtattardan, sarapshylardan, ınjenerlik-tehnıkalyq, medısınalyq, gýmanıtarlyq jáne jaratylystaný ǵylymdarynyń ǵalym-doktorlarynan turatyn Táýelsiz komıssııa júrgizedi. Úkimetaralyq kelisimderdiń operatory QR BǴM Halyqaralyq baǵdarlamalar ortalyǵy bolyp tabylady.
